Aanangeshefa aashona ya pewa iilongitho

0
271

 

WALVIS BAY — Aanangeshefa aashona  mOmbaye oya pewa iilongitho ya pumbiwa koongeshefa dhawo. Iilongitho mbika oye yi pewa kOmbelewa yoshikandjohogololo shOmbaye  yokomikunda. Omagano ngaka aataambi yago oyendji  oyo aakiintu.Iilongitho mbyoka ya pewa aanangeshefa mbaka ku Kansela gwoshikandjohogololo shika , John Nangolo ogena ongushu yoshimaliwa shooN$100 000  . Ngaka oga pewa oongeshefa dhili ndatu ndhoka dha hogololwa mokati komaindilo gevule  eyovi limwe.

Omagano giilongitho ngaka ogo oshitopolwa shoonkambadhala dhepangelo okuhumitha komeho eyokomeho moshigwana. Shika oholomende ohayi shi ningi okupitila moombelewa dhiikandjohogololo miitopolwa ayihe yoshilongo.Oombelewa ndhika odho hadhi tothamo aanangehsefa mboka taya ulike yena ompito yoku koka  ngele mbaka oya kwathelwa oku adha oondjodhi dhawo.

Ombelewa ya Kansela Nangolo oya taambele omaindilo omolwomakwatho okuza kaanangeshefa yeli lwopeyuvi limwe, ndele mokati komaindilo ngaka omwa hogololwa ashike oongeshefa ndatu ndhoka dha pewa ekwatho.Mboka ya kwathwa oyo Star City Enterprise ya pewa omashina gaali gokuhondja, Nahas Investment a pewa eshina lyokulunga omunoko nEmbungu Trading, ehangano lyokugandja omayakulo goondya nosho tuu piituthi yili no yi ili lya pewa ootenda dhomunzile.

Omakwatho ngaka oonaku ga taamba inaya pumbwa oku ga shunitha molupe lwoshimaliwa, kakele mbaka oye na okukoleka euvathano newiliko lyoshitpolwa kutya otaya ka longitha iilongitho mbika  nawa uule womimvo mbali, ngele hasho otaya ka indilwa opo ye yi shunithe kombelewa ya kansela hoka ya zile.

Nangolo sho a popi pegandjo lyomagano ngaka  okwa ti ombelewa ye oyili popepi noshigwana no ta yi lalakanene  oku kwatha aantu  molwehumokomeho.

Okwa kumike aataambi yiilongitho mbika ye yi longithe okuyeluthapo oongeshefa dhawo opo ndhika dhi koke  nokusindana nongeyi otadhi etapo oompito dhiilonga. Mboka ya pewa omakwatho oya hogololwamo nuukeka ko Central District Committee yomoshikandjohogololo, ndjika oya tala nawa eindilo kehe lya ningwa omanga yo inaa ya tothamo mboka ta ya pewa omakwatho ngoka.

“Nguka ogo omukalo gwetu oku kondjitha oluhepo nokwaana iilonga opo tu kwathele epangelo melalakano lyalyo okushonopeka omuthika gwokaana iilonga,’ kansela Nangolo a ti.

Nangolo okwa tangwa komunambelewa omukuluntu pitithi gwoshitopolwa Erongo, , Nathalia /Goagoses omwolweitulemo  niilonga ye yuudhiginini oku yamukula koompumbwe dhoshigwana.

Mokupopya pehala lyaanangeshefa ooyakwawo mboka ya taamba iilongitho, Isabel Uises okwa ti okwa pandula ombelewa ya kansela gwawo omolweyambidhidho ndika ya kala noku taamba uule womimvo.  “Tse otwa pandula kansela gwetu mwaashoka te tu  longele , molwashoka shika kasha li ashike muuwanawa wetu ndele  otashi kwatha wo oshilongo ashihe oshowo aanamagumbo getu mboka haya mono oshikwiila esiku kehe omolwoporoyeka ndjika,” Uises a ti.

LEAVE A REPLY

Please enter your comment!
Please enter your name here