Mbeha otaka uvika ko TLC oshiwike tuuka

0
372

David Mbeha ngoka a sindana methigathano ndyoka ohali ithanwa Omuwiliki omunene omuAfrika gwotango, ota take okuuvika koChanela yo TV hayi ithanwa TLC oshiwike tashi ya. Selma Neshiko ota kundaneke.

Johannesburg- David Mbeha ngoka a sindana oshiwike sha ziko nokwa ningi omweetipo gwotango omuAfrika gwopolohalama yo TLC TOP 10 ota ka tameka iinga ye mEtine tali ya.  Opolohalama ndjika ompe yi na iiluku ine ota yi ulikwa ko TLC Entertainment (DStv 172) mesiku 3 Desemba potundi 21h00.

Mbeha okwa thigipo aathigathani pamwe naye yooStar Khulu, omu South Africa, oshowo Mpiwa Bagwasi omuTswana.

Okuza tuu sho omahogololo ga tamekele oku ulika ngoka ta ka ninga omweeti gwo TLC TOP 10, okanaala ndjika oya taamba omawi gaahogololi geli omayovi 60 000 okuza menenevi alihe ngoka gahogolola gumwe gwomaathigathani yatatu ya hugunina methigathano ndika.

Opolohalama yaTLC Top 10 ota yi ka ulika iinyandwa yimwe iiwanawa yomonakuziwa momauliko gayo gonale ngaashi mbyoka yi holike  mwa kwatelwa ‘CAKE BOSS, SAY YES TO THE DRESS oshowo LONG ISLAND MEDIUM’, kohi yiiluku mbika ine yili mootema ne tadhi takumwa; “Wedding Dresses, Mega Moms, Families oshowo Extreme Passions.”

Kakele kiilonga mbika omunamimvo 20 okwa sindana wo olweendo lwayaali kokantuntu keholike kaafudhi kedhina Bali moIndonesia. Nduka olwa kwashilipalekwa kehangano lyoohotela nomahala gokufudhila muuyuni lyedhina Club Med. Mbeha ota ka holoka wo moshifo shoCosmopolitan sha Januali 2016.

“Ngame onda nyanyukwa unene oshowo onda simanekwa no tandi ishonopeke molwompito ndjika ndapewa ku TLC Entertainment. Shika inandi vula okushipondola pwaana eyambidhidho lyeni aayambidhidhi yandje, ookuume kandje oshowo aakwetu nezimo lyandje, ne mboka mwa pendje ompito opo ndi landule oondjodhi dhandje.Elyenge lyiilonga yaDiscovery oshili olili pomuthika guuyuni noshi li  etumbaleko kungame okukala oshitopolwa shezimo ndika oshowo edhina ndyoka hali tyapula nokuyelutha omahokololo goshili” David osho a popi.

Aapitithi mewiliko lyoNetwork ndjika oya tanga nokutumbaleka David molwohokwe ndjoka a ulike ethimbo alihe lyethigathano.

“Otwa hala oku halela David ompolo sho a pewa oshishani ongomusinndani  gwethigathano ndika lyetu lyo TLC Next Great Presenter. Ohole ye nohokwe ye ya TLC oya li yi wetike methigathano alihe, naatali yetu osha yela kutya oya koneke shika nokumona uukwatya washewa mu ye. Kutse ethigathano olye tu ulukile kutya muAfrika omuna iitalendi, notwa nyanyukwa itaa tu vulu okushi tumbula  sho ta tu tameke olweendo nduka naye.”osho Lee Hobbs, Omupeviperesidende gwoKanaal for Emerging Business, Discovery Networks Central & Eastern Europe, Middle East na Afrika (CEEMEA)  a ti.

TLC efupipiko lyedhina lye lyonale tali ti Okanaala yoku ilonga. Mbika iilonga yoTV ha yi futilwa yokoAmerica , yi li eliko lya Discovery Communications. Petameko ndjika okwa li ha yi ulike ashike oshikalimo shelongo noku ilonga . Nopomumvo 2001 OTiiVii ndjika oya tameke oku ulika opolohalama  dhiiningwanima tayi ningwa muushili, tayi popi kombinga yonkalamwenyo ,ofamili oshowo omahokololo gopaumwene.

David

LEAVE A REPLY

Please enter your comment!
Please enter your name here