Olugodhi lwa Meroro lu undulilwa komeho

0
275

 

WINDHOEK-Olugodhi pokati kenyakwa lyaAfrika mondjundo yo Cruiser molutu  lwongonyo lwo WBO Africa , Vikapita ‘Beast Master’ Meroro nomudhengingonyo omu South Africa  Thabiso ‘The Rock’ Mchunu olwa undulilwa komeho sigo ethimbo lyaashiwike, Kundana okwe kundana.

Nando omudheuli gwa Meroro ,Nestor Tobias ina yamukula ongodhi ye sho Kundana a li a kongo uuyelele kombinga yehokololo ndika, onzo yi inekelwa nawa okuza mo MTC Nestor ‘Sunshine’ Tobias Boxing & Fitness Academy oya koleke kutya olugodhi nduka lwali luna oku kondjelwa mo Ellis Park Stadium moJohannesburg, South Africa, oshiwike shayi olwa undulilwa komeho nomukalo inaagu simana omasiku omashona omanga ndoka inaalu ningwa.

“Nando kandina oonkondo okupopya kombinga yomatompelo ngoka ga undulilitha olugodhi nduka komeho otandi shi koleke kutya oshoshili nduka olwa  undulilwa komeho sigo okesiku lyaa shiwike. Eeno, Meroro okuli natango moNamibia ti idheula mogimi pamwe naadhengingonyo ooyakwawo.Ndele nee  Nestor oye ta kala omuntu gomondjila okukupa  uuyelele wulwe moshinima shika,”onzo ndjika osho ya hokolola.

Okwa li kwa hokololwa kuyele kutya Meroro ota ka kondjitha Mchunu molwepaya ewanawa lyolutu lwoongonyo lwedhina World Boxing Association (WBA) mondjundo yo Intercontinental cruiserweight. Meroro, ngoka muMai  nuumvo a dhengelwe komudhengingonyo omuRussia Dmitry Kudryashov, okwa li a tegelelwa okwi iyopaleka nokwi ikutha ontsi molugodhi nduka , netengeneko olya li kutya ngiika andola okwa sindanapo olugodhi nduka mokudhenga oshipapa sholutu Mchunu.

Pethimbo lyetseyitho lyolugodhi nduka, Mchunu, ngoka a za moCato Ridge popepi  na Pietermaritzburg moKwazuluNatal  okwa lombwelele iikundaneki yaandjawo kutya ota lalakanene okulongitha olugodhi nduka lwawo na Meroro ongelolelo momalugodhi omanene noge li nawa  ta ge keya. A ulike kehalo lye okuka kondjela oshishani shuuyuni shoWBA shi li ngashingeyi momake gomuRussia  Dennis Lebedev.

“Elalakano lyandje pethimbo ndika oku uka popepi  noshishani shuuyuni.Okulonga nawa oshowo omalugodhi ogendji naakondjithi ye ya yalulwa, otaku pendje ompito yoku kondjela iishani yilwe muuyuni kakele ashike kwaashika sho WBA,”  Mchunu, ngoka eli pehala eti 14 payalulo lya  WBA osho a ti.

LEAVE A REPLY

Please enter your comment!
Please enter your name here