Omalolelo goliha yaakokele geli metifa mOngwediva

0
343

 

ONGWEDIVA-Aakalimo yokoNooli oombwa dha kwata odheni, oshoka oliha yokatanga kokoompadhi yaakokele tayi ka totwa kuyele momvula ompe. Shika osha thamuna kuOlalekan Ajani “OJ” ngoka eli thimba yinongodhi metotepo lyoliha ndjika.

OJ okwa ti oliha ndjika oya li ye yi longekidha ethimbo ele, naandika olya thika opo ya tule omadhilaadhilo ngaka miilonga.

Otwa tengeneka opo oliha ndjika yi ka tameke petameko lya Maalitsa omumvo tuuka.

“Oliha ndjika oya tala koshimpungu shaaniilonga naadhani aakulu mboka olwindji haya iyadha kayena nando omahala moosipana dhaanyasha ndhoka hadhi dhana mooliha dhomoshilongo”, OJ ta ti.

Okwa ti olwindji aantu oyendji ohaya yi komahala gomanwino opo ya ka tokithe etango naashika ohashi etitha elongitho lyiikolitha lyapitilila moshigwana oshoka kayena we mpo taya vulu okuya ya ka tokithe etango.

Okwa ti oliha ndjika otayi ka pa aakalimo yokoNooli ompito yaandjuka oku ya kuupale noku ka tokitha etango pwaana elongitho lyiikolitha lili pombanda.

Okwa ti oosipana otadhi ka tseyithilwa omilandu dholiha ndjika kuyele momvula ompe ashike ota indile oosipana noomahangano opo ga tameke okuupika oosipana dhawo manga kuyele.

Oliha ndjika ota yi ka dhanwa ashike kaantu mboka hayalongo na oohihiinina ita ya ka pitikwa ya kuthe ombinga .

Okwa ti elalakano lyuudhano mbuka olyo oku eta aantu ya yooloka pamwe yo ya tseya tghane noku paathana uunongo wu na sha niinima ya kundukidha onkalamwenyo ta ti, oshsimana oku eta aalumentu pamwe ta ya tameke wo oku popya kombinga nkene kuna oku kandulwapo oshikumungu shomahepeko guunona naakulukadhi shoka shavuka moshilongo.

OJ ngoka ngashiingeyi hadhanene osipana yo Northern Stars FC okwa ti oya ninga omalolelo goliha ndjika oomwedhi dha zako sho yali ya dhana noosipana dhomoshitopolwa ngaashi osipana yo Standard Bank, nosipana yo UNAM Engineering Campus mOngwediva.

LEAVE A REPLY

Please enter your comment!
Please enter your name here