Omupilima iindile aaNamibia ya hogolole ngula

0
376

 

TSUMEB – Omuprima gwoshilongo omundohotola Saara Kuugongelwa-Amadhila okwali a indile aakwashigwana oshowo omuNamibia omuhogololi a kale a ka hogolola.

Omupilima ndhino okwali e dhi popi pethimbo ta popitha oshigongi shoSwapo shahugunina manga omahogololo inaa geya nena. Oshigongi shino oshali sha ningilwa pokapale ka Oscar Norich moTsumeb Olyomakaya ga piti.

Iilyo yongundu yoSwapo oyali ya holoka koshigongi, shoka shali wo sha kalwa ku Ngoloneya gwaShikoto Henock Kankoshi, Minista yEgameno Penda Ya Ndakolo, nominista yopevi yomahangano gepangelo Engel Nawatiseb oshowo ookansela dhaza kiikandjohogololo ya yoolokathana mOshikoto.

Amadhila okwali a pula ayehe ya ka hogolole miikandjohogololo mbyoka yina omahogololo, yo yaa gandje ompito koongundu dhoompilameno, dhi  kuthepo iipundi. “ kwashilipalekeni kutya omwa hogolola ongundu yoSwapo ndjoka tayi tsikile noku etapo omalunduluko oshowo okukondjitha omashongo ngoka twa taalela moshilongo,gandjeni etsomukumo kaa ulikwa hogololwa ya kale yena omukumo kutya  otaya sindanapo iipundi mbyoka konima yehogololo metitano,” Omundohotola Amadhila ta ti.

Okwali a gwedhapo kutya epangelo mekwatelokomeho lyongundu yoSwapo olyi ipyakidhila nokukondjitha oluhepo, okwaana iilonga mokati kaagundjuka hono kwa konekiwa taku londo,ondjala oshowo okushunitha iimbuluma pevi ko kwaa ha kale nenge iimbuluma tayi lopotwa.

Ta indile aakwashigwana ya longe nuudhiginini no ngaasgi tashi vulika opo ya adhe epangelo ondjilakati moku tula ayihe kolutenda. Okwa  tsikileko noku kumika aagundjuka mboka yali ya holoka momwaalu omunene opo ya longithe ompito yaye  komandiki gopaungomba yo ya ka mone uunongo ya vule kwiilongela yoyene.

“Aagundjuka yetu shampa ya mono kutya inaya mona iitsa tayi vulu yiya falithe kiiputudhilo yopombanda, ohaya kuutumba owala momagumbo yo yamwe taya kala momapandaanda ashike shino ka shishi ehulilo lyuuyuni , natango otaya vulu ya ye komandiki guungomba ngono nago taga longo nokudheula mboka ya pumbwa uunongo, omandiki omo geli moshilongo nonande ka geli iitopolwa ayihe  kaleni mwa thikako ne mu ishangithe mu tameke ootundi ne tamu yanda onkalo yomomapandaanda ndjoka tayi teyapo oshilongo shetu,” Ta gwedhapo ngaaka.

Okwa ti ongundu yoSwapo otayi longo ngaashi tayi vulu mokuhumithakomeho eliko lyoshilongo.

 

LEAVE A REPLY

Please enter your comment!
Please enter your name here