Yaadha ondjuhwa ya mangelekwa

0
590

 

ONANYEGE – Aakalimo yomomukunda Onanyege moshikandjohogololo Onayena oyali ya haluthwa sho ya adha ondjuhwa yawo ya mangelekelwa momuti gomutatahe.

Aakwanegumbo lya meme Maria Aluteni oya hokolola kutya omanga ya adhika yeli mondjila yawo ta ya shuna kiilonga oshoka oyi ile kegumbo ehuliloshiwike, sho taya ende mepya oya adha momuti ngoka guli pooha dhondjila mu na ondjuhwa ya mangwa mothingo e tayi mangelwa momutatahe.

“Oshinima shika oshali she tu kumitha unene oshoka ondjuhwa ndjoka oya mangwa mothingo yafa ya mangelekwa e tayi mangelwa momuti moka yo tayi endjelele yu uka pevi, otwa li twa kumwa noonkondo oshoka otushishi kutya ondjuhwa itayi vulu kwi imangeleka yoyene, shila ongele puna omuntu eyi mangeleke eteyi tula momuti moka,” Aluteni ta ti ngaaka.

Aanegumbo mbaka oya hokolola kutya ondjuhwa ndjika sho yeyi tala otayi ulike ya kalamo ethimbo momuti moka ya mangelekwa oshoka anuwa oya kukuta. Inaya vula ku mona ompadhi oshoka okwali kuna ombepo, no taya hokolola kutya oyena omaipulo ogendji no kayeshi kutya oshinima shika osha ningwa kulye nonelalakano lyashike.

Megumbo anuwa ohamu kala owala aamati yeli yaali oyo ta yeli takamitha naasho aamati mbaka anuwa yali ya pulwa oyati inaya tseya kutya ondjuhwa ndjoka olye eyi mangeleka, no ka ya adhika ye yi mona opo owala ye yi itsu esiku ndyoka.

“Iinima yoludhi nduka otayi kumitha no tashi nyenge omuntu okudhiladhila oshoka ka puna ngu ena uuyelele ngwee kuna ishewe ngu to pula ando e kupe uuyelele, otwa kumithwa unene koshinima shondjuhwa tayi mangelekwa ihe ka puna kutya oya mangelekwa kulye momuti nomolwashike shina okuningilwa, uuyuni owuna uudhigu naantu otaya ningi iinima nomalalakano , otatu pulakene tse tu tale kutya oshikwashike pamwe ngu eyi mangeleke te ki iholola tuu limwe lyomomasiku,” Mwene gwegumbo ta ti ngaaka.

Taya gwedhapo kutya ondjuhwa ndjoka ina ye yi kuthamo oshoka oya tila kuyi kuthamo yo yaashi elalakano lyanakuyimangeleka kutya olya shike, anuwa ota yeyi etha owala yo ya tale kutya tashi hulile peni. Ta ya ti shino oshikando shotango taya adha ondjuhwa ya mangelekwa no sheya kumitha unene.

Hanged

 

LEAVE A REPLY

Please enter your comment!
Please enter your name here