50 KG a ilongekidha okupititha oalubuma yotango

0
381

 

Gumwepo gwomaaimbi aape moshilongo Namulandu Phillipus Penda, a tseyika nawa nedhina moongalo oye 50 KG, ota ka pititha oalubuma ye yotango kuyele muDesemba yedhina Ekundukima.

Oalubuma ndjika otayi ka kala yina ehwata lyoongalo omulongo nahetatu (18) mono mwakwatelwa dhimwe Itaadhi thigi omuntu a kuutumba ngaashi Ohenda koohima, Gheto Federes, Hometown, Pencacola, Lyaame, Comrade Andimba Toivo yaToivo, oku tumbula po ashike dhimwe po.

Ekanda ndyoka lyayambukile kOshitambi kOnayena ohali imbi konyala omaludhi goongalo adhihe hadhi imbwa moNamibia.Moalubuma yEkundukima, 50 KG okwa imba pamwe noombushe miilonga ngaashi Kamalyenge, Triple G, Chocho, omanga piikwelengendje oongalo dhe ali alongo pamwe naDj Zappi, Dj Chronic, Neslow, Becks naShon Brivy.

50 KG okwa konekiwa nawa nokangalo hono ali apititha kedhina Hometown, ka kala nokudhana onkandangala komathigathano gwoongalo moshilongo ngaashi oLocal Top kwaito koEnergy noBase FM. Oalubuma yEkundukima oya kwathelwa ku Shivute “ Wela” Wilbard ngele tashiya poshimaliwa niinima iikwawo yagwedhwapo. Oalubuma oya tseyithwa noku tulwa pamuthika gwopombanda ku Mr Rio naMr Kateta. 50 Kg ngoka atamekele okwiimba oongalo momumvo 2005 manga eli pIikokola ota ti oalubuma otayi opalele omapipi agehe oshoka konyala oongalo dhomaludhi agehe omo dhili, no ya guma unene kiinima mbyoka ya kwata onkalamwenyo osho woo ondjokonona yoshilongo nomuthigululwakalo.

“Ngashi ongalo ndjino Andimba Toivo yaToivo ota yi popi kombinga yekondjelomanguluko, onda hala uunona wu ilonge ondjokonona, naashika otashi pitile unene moongalo oshoka odho hadhi pwiilikinwa kuunona wo uuyelele mbu wuli moongalo uupu kukwatwako mbala,” 50 KG ta ti ngaaka ye tagwedha po ishewe ta ti nkene aza okwa kala omwiimbi moongundu dhaanona ngaashi naana aanona oyendji haya putudhilwa noondjimbo koosikola nokoongeleka.

Okwa kala noku pwiilikina oongalo dhaa hikingalo ngaashi Omzambia, Zola, The Dogg, Pablo, M2DY mboka yali ya imbi sho omavi gali omayamba, dhono ta koleke kutya odho dhe mu penduthile omadhiladhilo goku imba oongalo.

LEAVE A REPLY

Please enter your comment!
Please enter your name here