Fransiska ota ka ulika omithigululwakalo dhaNamibia koIndia

0
430

Kamwe komuukadhona dhingi uuNamibia, Fransiska Kunyima Mbambo, oka ti okanyanyukilwa okuka kalelapo Namibia pethimbo lyolweetho olutitatu lwo Heritage International mo India, oSoondaha ndjika moNew Dehli, India. Pinehas Nakaziko oye te tu hokololele.

WINDHOEK-“Otandi ka kalela po oshilongo shetu shoka oshiiwanawa pamwe nomithigululwakalwo dhetu. Onda nyanyukwa ishewe nondi uvite uugumbo nondi inekela kutya ayihe otayi ka enda nawa oshoka ondina oku ulika uunongo wandje nomukumo,” Fransiska ta ti ngaaka.

Okwa ti ngele okwa sindana, ota ka kwathela uunona owundji moshilongo, oku wu kumika noku wu kumagidha opo wu kale wa gwanitha shoka ya pumbwa moonkalamwenyo dhawo. Ota ka tsikila ishewe noshikonga she shoka sho kondjitha uusimba mokati kaanona aashona. Unene tuu onkalo ndjika ndjoka ya li ya lopotwa moshitopolwa shaKavango.

“Shino otashi ti, ota ndi kakwathela aakadhona oyendji aashona noshikoloni shoka ta ndi kasindana. Omukulu gwonale okwa tile tameka oku komba megumbo manga inooka komba komagumbo, naashika osho tandi ka ninga,” ta gwedha po ngaaka.

Okwati ngaashingeyi ota dhiladhila oku kalongitha uunongo we naashoka a  ilonga ngele tashiya mokweenda opo a ka longe uukadhona mboka wa hala oku kala tawu kutha ombinga methigathano lyili ngeyika. Okwa kumagitha ishewe opo uukadhona mbuka wulonge nuudhiginini no inaya pitika nande oondjila dhawo dhithitikwe.

Fransiska okwa valelwa momukunda Andara, moKavango East nokwa kokela moRundu. Okweenda okwe ku tamekele manga ali omushona lela ena ashike oomvula 12, oku kutha ombinga muuthigathano mboka uushona wali hawu ningwa momikunda okuza mo2002. Okwa ti oshitalenti she okwali shayiwa moshipala sho ali a mono ompito yoku ka ilonga ko St Boniface College, hoka kaa kwali naana kwa pitikilwa iinima mbyoka. Okwali  iitula manga miilonga yosikola sigo eya a tsikile eilongo lye lyopombanda moshiputudhilo shopo mbanda sha Namibia (Unam).

Omvula ndjika okwa sindana iikoloni iyali shimwe onga okakadhona dhingi Miss Face of Namibia naMiss Grand Namibia.

 

Kombinga yoMiss Heritage International otashi ka kala olweetho olutiyali ethigathano ndika tali ka ningwa okuza muDesemba 6 sig13. Ethigathano ndika okwali lyaholokapo pamwe nekwatho okuza ko We for We organisation. We for We organisation ya India ehangano ndyoka lyuukalinawa wolutu. Oshikonga shika osha taalela unene oku yambula po noku ulika ondjundo yaakiintu konyala oshilongo ashihe.

Miss Heritage International olyo ishewe ethigathano lyuukadhona dhingi tali ulike omuthigululwakalo, ombili nomudhingoloko.

Fransiska-2

LEAVE A REPLY

Please enter your comment!
Please enter your name here