Ndawana, omwiimbi dhingi moAfrica

0
530

Konima ashike yoku imba ongalo “Africa I will be” pamwe nomuimbi dhingi moNigeria, Ayo Balogun aka Wizkid, Ndawana ngoka eli omuimbi gwoongalo dho Afro-pop moNamibia, ota ku tengenekwa oye ta ka kala gumwe po gwomaahikingalo mboka ya dhenga mbanda muAfrica alihe, monakiyiwa, Pinehas Nakaziko ota kundaneke.

Ndawana, ngoka ta longo nuudhiginini noku tula Namibia pomuthika gwopombanda, okwa li asindana ekopi moNigeria ongomuimbi dhingi moongalo dhoAfro-pop muAfrica methigathano lyoAUMA, nongaashingeyi ota ku nongonwa kutya okui  ipyakidhila mositudio oku etapo ishewe ongalo yimwe pamwe nomu imbi omuZambia, Shady Starface. Ndawana okwali ishewe amonika puyimwe yomoositudio dhaCongolese, yili moAsia moka Ndawana ta ilongo.

Omuiimbi nguka okwali aningi iipalanyolo oyindji noku popiwa nayi komapandja gointaneta  ngele tashiya mehangano lyoongalo uunene tuu sho tango ali a sindana ongomuimbi dhingi gwoongalo dho Afro-pop muAfrica, osho woo  sho ali a imbi pamwe na Wizkid ongalo ndjoka Afric I will be, hoka ka tengenekwa kapite pamwe nokavidio kako muFebuluali omvula ta yi ya, naashi ali a ulike uunongo we muAbuja pethimbo ali ta imbi nokunyanyudha aaNigeria konima yoku pewa ekopi lye omwedhi gwapiti ko AUMA.

Ndawana okwa kala ishewe oye omuhikingalo omuNamibia ngoka akala tadhana okambadhala nokuli ponomola yotango methigathano lyo African Track Chat, nokangalo ke hoka opo kapitile kedhina Ondjila Oile, no ka kala keli ponomola mpoka iikando aihe ine, niintsa yithike po 324,000.

“Oku kala omusimani, nomuhikingalo dhingi kiipala yaantu kashishi nande oshinima oshipu nomuntu oku na oku longa nuudhiginini opo eshi pondole,” Ndawana apopi ngaaka niitya iishona.

Okangalo ke Ondjila Oile  pamwe nokavidio okape kokangalo Kandaha Kange onkene  tawu shi enditha nawa moNamibia.

LEAVE A REPLY

Please enter your comment!
Please enter your name here