‘Nweni oARV pefimbo’ –Sheefeni ta ti

0
534

 

LÜDERITZ – Immanuel Sheefeni oo ena ombuto yo HIV okwa twa omukumo ovo vena ombuto yo HIV opo vakale nokunwa omiti davo pefimbo , opo omiti di dule okulonga nawa pa ku lelepeka okukalamwenyo kwavo.

Sheefeni okwa tumbula edi pefimbo ledimbuluko lefiku lo AIDS mounyuni olo odula yo neudo la dimbulukilwa mo Lüderitz mu 1 Desemba 2015.

Pefimbo ta popifa ovo vali va ongala nokudimbuluka pamwe efiku, Sheefeni okwa kunghilila ovo vena ombuto yo HIV/AIDS vakale nokulya oikulya oyo ina oukololele , voo tava yande okunwa omalodu oo eli omutondi munene monghalamwenyo.

Okwa tumbula kutya oikulya oyo ina oukolele oina ombiliha neenghono oku yelekanifa noikulya oyo ihena oukolele, ta yandje oshiholelwa okutala oshimaliwa osho todulu okulanda juice noshimaliwa osho omunhu ta dulu oku tula momalodu ena ondilo no taa teya ulapo olutu.

Sheefeni oo odula yo  2014 a tokolele oku enda  kolupadi oshinano shokudja

kOshakati   fiyo oko Windhoek, okwa popya kombinga yelalakano lo lweendo olo

aenda kolupadi ta ti okweli ninga   nelalakano opo a ulike kutya nonande

omunhu okuna ombuto yo HIV/AIDS ota dulu okulonga sha no kuninga omadeulo aeshe oo haa dulu ngee okuningwa metanga leameno, oshoyo mo polifi, oshoyo yo okulonga oilonga yomaludi a yooloka moshiwana..

Okwa hokolola yoo onghalo yaye okudja eshi a kwatwa kombuto yo HIV. Ta tumbula kutya oikonga yeekelelo lombuto yo HIV /AIDS nomakumaido kwaavo vakwatwa kombuto eyi  ina likala ashike hali ningwa mefiku lo tete la Desemba, ndele nee ku xwaxwamekwe oikonga yo ku udifako oshiwana opo shili

amene nokulikelela kombuto yo HIV,momukokomoko aushe womudo.

Sheefeni okwa twa omukumo ovo vena ombuto , opo va ha teke omukumo, ta ti oku kala una ombuto yo HIV ita shiti kutya olo ehulilo longhalamwenyo, ndele omunhu okwa pumbwa oku li humbata nawa opo adule oku lelepeka onghalamwenyo yaye, nokuwanifepo yoo oinakunifwa oyo ena okulonga mokukalamwenyo kwaye..

SHEEFENI3 SHEEFENI2-(1)

LEAVE A REPLY

Please enter your comment!
Please enter your name here