OTafel Larger Cup otayi tameke ngula

0
290

 

OSHAKATI-Uudhano mboka wakala wa tegelelwa koyendji miitopolwa yokoNooli ota wu katameka ehuuliloshiwike ndika miitopolwa ine yokoNooli Oshana, Oshikoto Ohangwena nOmusati.

Ekopi ndyoka lili ta li dhanwa oshikando shotango moNamibia olya kwashilipalekwa kehangano lyo Namibia Breweries LTD na ota li ka kuthiwa ombinga koosipana dhili mo First Division no Second Division miitopolwa yazi nokutumbulwa.

Omunambelewa gwo NFA mOshana Sem Nekwaya okwati oosipana dha Shana odhili dha ilongekidha okuya mondambo, ota indile aakalimo yomOshana opo ya ka ondodhe omeho pokapale ko Independence Stadium mOshakati.

Okwati uudhano uunene wehuuliloshiwike ota wu kakala pokati ko Golden Bigs no Oshakati City dhimwe dhomoosipana dhina ondjokonona ngele otashiya pokatanga kokoompadhi.

Vietnam Rangers otaka patulula okapale na Foxy Senior FC , omanga J Aron ta landulamo no Oshakati United, uudhano uutitatu wesiku otawu ka kala pokati ko Oshakati City no Golden Bigs, ye Pescanova ota kaya mokapale na African United.

Omeege United otaga kiikwata no Onelago United omanga Khuse FC taka dhana na Africa Motor, Ongwediva City otayi kiikwata no Poison Arrows.

Osipana yo KK Palace otayi kaya mokapale naangoka tasindana uudhano pokati ko Vietnam Rangers no Foxy Senior FC.

Uudhano mbuka owuli wiihanena iitopolwa ayihe ine yokoNooli, okutala kutya ole ta ka kalelapo iitopolwa mbika muudhano wa hugunina mboka tawu ka kalako ehuuliloshiwike taliya mOshakati.

Omunambelewa gwo NFA koshitopolwa shaMusati okwali etu pe uuyelele kutya uudhano wawo ota wu ka dhanenaw pokapale ka Tsandi Sport stadium noshowo pokapale kOutapi Sport stadium.

Oonkambadhala okumona uuyelele kiitopolwa ngaashi oshikoto nOhngwena odhali dha huulile muunyengwi.

LEAVE A REPLY

Please enter your comment!
Please enter your name here