Otonamende yoBasketball mOngwediva ehulilo shiwike ndika

0
297

 

ONGWEDIVA-aakalimo yomOngwediva noodoolopa dhopuushiinda ota mu ka etelwa otonamende yo Basketball ehulilo shiwike ndika.

Otonamende ndjika oya nana oosipana okuza koombinga ne dhoshitunda Namibia muudhano mboka wa tegelelwa wu ka kale tawu fuula nuuwanawa.

Oosipana dhomanyakwa go Basketball odha tegelelwa dhika dhane uudhano mbuka muule wehuuliloshiwike ndika kohi yekwashilipaleko lya Zula Wear ndjoka ya gandja oshipandi shooN$ 15 000.

Otonamende ndjika ota yi ka dhanenwa mokapale okape ka UNAM Engineering Campus mOngwediva.

Tinaye Mupamirey omukwatakanithi guudhano mbuka okwa ti oosipana dhili omulongo dhaamati na hamano dhoomeme odha koleka ekuthombinga muudhano mbuka oshowo opwa teglelwa wo oosipana dhilwe dhi kale dha koleka ekuthombinga.

Ota hiya aakalimo yokoNooli opo ye ye momiyalu ominene opo ye ye ya yambidhidhe oosipana dhawo.

Okwa ti elalakano lyuudhano mbuka olyo oku pendulapo uudhano mboka wu li ta wu shuna monima miitopolwa yokoNooli.

Ta tsikileko ta ti aakuluntu naaputudhi yuunona naye ete uunona opo wu ye wu mone ohokwe mokudhana uudhano woBasketball oshoka pethimbo lyongashiingeyi uunona owuna ashike ontseyo yokatanga kokoompadhi.

LEAVE A REPLY

Please enter your comment!
Please enter your name here