Ovaumenhu navo otava dulu okukwatwa kocancer yomevele

0
275

 

EENHANA – Nonande okankera yokomavele ya talika ko kuvahapu kutya ohai dulu ashike oku kwatwa ovakainhu, omakonaakono opaunamiti okwa ulika kutya ovalumenhu navo yoo oveli moshiponga shokukwatwa koludi lokankera oyo.

Momudo 2012 okwa monika ovalumenhu omuwoi ve na okankela yokevele, omanga 2006 kwali kwa monika ovalumenhu vatano.

Edi oda hokololwa ku Brown Ndofor, oo eli ondohotola moshipangelo shopaumwene Medi Park Ongwediva, osho sha li sha longekidila ongudu yovalumenhu ve dule po200, ouvalelo wowina, omafiku aa mEenhana.

Kakele ko cancer yomevele oshidjemo shekonaakono 2012 sha ulika vali kutya mongudu yaavo va monika 311 ve na okankela yoludi lokaposi sarcoma, vahapu ovalumenhu.

Ekonaakono natango ola ulika kutya yoo, mongudu yovanhu 142 va monika omudo 2012 ve na okankela yokendjadja lokonima vahapu ovalumenhu. Ndokotola Ndofor ota ti, ovalumenhu inava manguluka ku popya omaudjuu avo, nohave ya koipangelo va olwa, limwe lomatomhelo e va ifanifa onguloshi yowina va lombwelwe omadidiliko omukifi.

Ndokotola Ndofor ta weda po kutya okankela yokoilyo yoshilumenhu luhapu ohai holoka lwopeedula 40 lwaapo novalumenhu ova pukululwa va angale okukwatwa komikifi da tandavela okupitila momilele. Nande moNamibia mu na eekankela domaludi, okankela yokoshipa oiyadi apa pena eenhe detango da twa unene, ile monhele mu yadi oikwaudiyo, eekankela da dja mokunwa omakaya odi lile po 30%, da etifwa komalodu odi lile po eepelesenda 3.

Pomhito yowina ovalumenhu ova popya, va pula nemanguluko oipambele yavo voo tava tyapula onguloshi yavo.  Ova lombwelwa shimwe shomoyeetifi kutya, oikulya ihe li melandulafano, ombelela itilyana ihapu, okulya omai a kangwa oikando i dule itatu moshivike. Ova ndungikwa kovapopi va yooloka nghee tava dulu kulaamena nokulya oiimati italala yomaludi, oikwambidi nova ndungikwa va diinine okulya omadama, omanuwa. Ovalumenhu otava dulu ku konaakonwa kodula keshe nokukwatela po oundjolowele nokunwa omeva mahapu. Ovalumenhu ova kumaidwa vaha holeke omikifi.

Ovalumenhu ova yelifilwa omadidiliko omukifi wokankera oo tau mane po ovanhu vo tava hongwa nghee vena okuliamena va hakwatwe kokankela  noupu.

LEAVE A REPLY

Please enter your comment!
Please enter your name here