Aayelele mOshikoto ya pewa iikutu

0
338

 

ONDANGWA – Konyala aaNamibia oyendji otaya kambadhala ngaashi taya vulu opo ya gandje omakwatho nomayambidhodho kaantu mboka taya nyengwa okwiikwatha yoyene.

Oshiwike sha ziko yamwe yomaakalimo yomOshikoto oyali ya gandja oondjato dhiikutu kaayelele yomoshitopolwa moka opo ya ye ye kiikwathe nayo , yo ya tale ngele onkalamwenyo ta yi humu komeho.

Maria Kadhila omuniilonga melelo lyoshitopolwa shaShikoto pamwe na meme Tresia Shipanga omukalimo gomoshikandjohogololo Onyaanya oya li ya tokola opo ya kuthe mwaashoka ye na yo ya yambidhidhe aayelele yomoshitopolwa moka.

Iikutu mbino oyali ya pewa ngoloneya goshitopolwa shaShikoto Henock Kankoshi ye a tale iikandjohgololo mbyoka yi na aayelele oyendji.  Iikutu mbika oyali ya gandjwa kiikandjohogololo shaNehale lyaMpingana, Quinas osho Eengodi. Kankoshi ta ti iikandjohogololo mbyoka oyo ya konekiwa yi na aayelele oyendji taya hupu nuudhigu no ya pumbwa omakwatho.

“Otwa pandula unene kaakwashigwana yetu sho ta ya kambadhala nokukwathela aakwashigwana yetu mboka taya nana nuudhigu, ondi wete kutya ngele osho tatu longo ngeyi nena otashi tu ningile oshipu, shino osha pendje omukumo kutya nani opuna aantu yena oshigwana komutima no ta ya longo ngaashi taya vulu ya kandulepo dhimwe dhomoompumbwe dhoshigwana,’ Kankoshi ta ti ngaaka.

Ngoloneya ta ti iikandjohogololo mbyoka a tothamo opo yi pewe iikutu mbyoka oyo ya konekiwa yi na aayelele oyendji. Ta indile aakwashigwana mboka yena oonguwo nenge iikutu ihaa ye yi zala ye yi gandjepo kaayelele nenge kwaamboka ya pumbwa iikutu. Okwa pandula sho meme Tresia na Maria ya tokola ya gandje moshigwana ta ti shino otashi gandja oshiholelwa oshiwanawa.

Maria Kadhila okwa ti okwa li a kwatwa kedhiladhilo opo a gandje iikutu mbyoka ihaa zala, ye a kwathele oshigwana shoka shili mompumbwe. Okwa uvaneke ta ka gandja natango iikutu oyindji momumvo omupe onga omagano kaakwashigwana gokrismesa oshowo gomumvo omupe. Ta ti okwa hala a gandje sha moshigwana shono tashi nyengwa okwiikwatha.

Kansela gwoshikandjohogololo Nehale lya Mpingana Leevi Reinhold okwa ti moshikandjohogololo she omuna aayelele oyendji ta ya hupu shokadhila.  Reinhold ta pandula komakwatho ngoka aakwashigwana ye ya kwathelwa kaaNamibia aanamutimahenda, ta ti naya tsikile noku yambidhidha mpoka ta ya vulu.

LEAVE A REPLY

Please enter your comment!
Please enter your name here