A dhipaga yina, e ta fike po ondjugo ye

0
286

 

ONTANDA- Opolisi yoshitopolwa shaMusati ota yi konaakona oshiningwanima shedhipago lyomunamimvo 64, Paulina Angala omukalimo gwomomukunda Ontanda gu li moshikandjohogololo shaTsandi.

Nakusa Angala okwa dhipagelwa megumbo lye ongula onene yOmaandaha oshiwike shika lwopotundi 00:00 koongula sha.

Pauyelele womunambelewa omupopiliko gwopolisi moshitopolwa shaMusati Shisande Hesekiel Hamalwa ota ti, omufekelwa medhipago omwanamati Gerson Haufiku Ndeitunga gwomimvo 27 omukalimo gwOmontanda.

Hamalwa ta tsikile ko kutya, omufekelwa okwa zi kuundingosho lwopotundi onti-12:00 uusiku sho e ya megumbo okwa tameke okudhengagula aamwayina aakadhona yaali mboka ya adhika ya kotha.

Kaku shiwike etompelo lyokudhengitha aantu. Yina okwa penduka ando e ya hangukunune nokupopila oyana aakadhona, nomufekelwa okwa kutha oshitago nokudhenga yina sigo omeso. Sho a ndhindhilike kutya yina okwa pwa omwenyo, okwa tomeke ondjugo nokufadhuka po.

Omunambelewa gwopolisi ta gwedha po kutya, opolisi otayi kongo omufekelwa medhipago. Omudhimba gwanakusa ogu li kokila yopolisi kOkahao moshitopolwa shaMusati. Nekonaakono lyopolisi ota li tsikile.

LEAVE A REPLY

Please enter your comment!
Please enter your name here