Edhingoloko lyotango lyoTafel Lager lyeende nawa

0
309

 

OSHAKATI-Edhingoloko lyotango lyuudhano wo NFA Namibia Breweries olyali lya thiki pehuulilo etiyali lyazako konima sho oosipana dhokiitopolwa ine yoko Nooli dhali dhi ikwata oku tala ngoka ta ka kalelapo iitopolwa yawo kOshakati ehuliloshiwike ndika pokapale koIndependence mOshakati.

Oshana oshali sha kumithwa kosipana yo Khuse FC ndjoka yali yadhengemo oosipana onankondo nokuninga oshilage nosipana yo KK Palace medhingoloko lyahuguninina lyoosipana dha Shana.

KK okwali eshipondola oku dhenga Khuse FC nookoola mbali monola, muudhano mboka wali itaawu nuwa omeya.

KK Palace oye ta ka kalelapo Oshana ongula yanakwasha .

Young Stars okwali a dhengemo Blue Bird 3-0 nokusinadanapo uudhano wokoMusati na oye taka kalelapo oshitopolwa shaMusati .

Young Tops okwali adhengwamo kOhangwena Nampol noopelenti 3-5 konima sho yali yi ithigi othika 2-2 mokapale naashika oshe etitha Ohangwena Nampol oyo yikale yakalelapo oshitopolwa sha Hangwena.

Omuntele Warriors oyali ya dhengemo Onathinge United 3-1 muule wokathimbo kagwedhwapo konima sho yali yi ithigi 1-1 mokapale.

Omuntele ogo tagu kalelepo Oshikoto ongula yanakwasha pokapale koIndependence mOshakati.

Oosipana ndhoka dha sindanapo uudhano wiitopolwa yawo ota dhi ka kalelapo iitopolwa yawo kedhingoloko lyahugunina ndyoka tali ka dhanenwa mOshana okutothamo enyakwa lyuudhano wekopi ndika opo tali dhanwa lwotango mondjokonona yuudhano moshilongo.

Sem Nekwaya omukalelipo gwo NFA mOshana ota hiya aantu ayehe opo ya ye kokapale ngula ya ka yambidhidhe oosipana ndhoka dha kalelapo iitopolwa yadho.

LEAVE A REPLY

Please enter your comment!
Please enter your name here