Kalux, apitiko noalubuma Ayeekoo

0
631

Omwiimbi gwoongalwo dho RnB no Afro-pop, Saggarias Karunga, a tseyika nawa nedhina Kalux, osho apitiko natango noalubuma ye ontiyali yedhina Ayeeko, ndjoka ya piti konima yiiwike iyali ngashingeyi. Pinehas Nakaziko ota kundaneke.

Windhoek- Kalux ngoka ali asindana po ekopi lyomuhikingalo dhingi omupe moNamibia okwa ti ndjika oyo oalubuma ndjoka a longa nawa nuudhiginini nokwe yi luku Ayeeko molwa okangalo hoka ali apititha tango, keshi endithile nawa mewangandjo.

Moalubuma otamu adhika oongalo ngaashi Mama, ndjoka tayi hekeleke mboka yakanitha ooyina, no ta yi longo aantu opo ya simaneke aakuluntu yawo yo ishewe ya yande ookuume aawinayi.

Moalubuma ota mu adhika ishewe ongalo Maria, ndjoka tayi popi kombinga yokakadhona Maria no ta yi holola omithigululwakalo dha yoolokathana konyala dhomoshilongo ashihe. Kalux ota ti eyooloko pokati koalubuma ndjika oondyoka okutya mwaandjika ompe okwa kwathelwa kaahikingalo oyendi oku imba, shi vulithe moalubuma yotango.

Moalubuma ndjika omuna ishewe omusholondondo gwoongalo odhindji dha adha po 18, yi vulithe yonale ndjoka yali ashike yi na oongalo 16.

Moalubuma muka Kalux ota kwathelwa kuElvo, Kallo, Godleb G naSamlee Jones.

Kalux ota ti paife ota longo  nuudhiginini nokwa manamo oshoka okwa tegelelwa aka kale a ulika uunongo we moshilongo nopondje yoshilongo mefudho ndika tuli ngashingeyi. Kalux omvalele yomOutjo nokwa putukila mOtjiwarongo moka a kala ha yi kosikola.

Omunamivo 24 ngoka ali a holokele mehangano lyoongalo omathimbo ngaka okwa tseyika koyendji sho a li a sindana limwe lyomomakopi goNAMAs, nokangalo ke hoka Hafifange omvula yapiti. Oalubuma ye yedhina Superstar, ndjoka yali yina ehwata lyoongalo 16 eyi pitithile omvula yaziko oyali yeshi enditha nawa, noyali ya piti kooradio dhomizizimbe dhomoshilongo ngaashi oNBC noOne Africa.

Uuvidio we ngaashi Hafifange na Netira onkene ta wu shi enditha nawa nowa taambiwako koyendi.

Oku pitila moongalo dhe,  Kalux okwa hala oongalo dhe dhi tameke  okudhana ko Chanel O.

 

LEAVE A REPLY

Please enter your comment!
Please enter your name here