Ngo a dhipaga yina natango ina kwatwa

0
340

 

ONGWEDIVA-Opolisi yomoshitopolwa shaMusati ota yi kongo noonkondo omulumentu omunamimvo omilongo 27 shina sha neso lyayina.

Oshiningwanima shika osha ningilwa pegumbo lya nakusa mOmaandaha oshiwike shika kooongulasha pomukunda gwedhina Ontanda B moshikandjohogololo shaTsandi moshitopolwa shaMusati.

Opolisi oyati mOmandaaha goshiwike shika oyali ya kundana onkundana  ndjoka ta yi nyanyalitha sho omukulukadhi omukokele lela gwomimvo omilongo 64 a dhengwa noshiti komwanamati sigo eso.

Shiikololela komauyelele ngoka ga gandjwa komupopiliko gwopolisi momusati Shisande Anna Kunga, aniwa omutamanekwa nguka okwe ya megumbo koongulasha eta tameke oku lwitha aamwayina mboka aashona.

Sho eya lwitha ye yi na ota zimo anuwa mondunda eta pula naku tamanekwa kutya oshike naanawa tashi mu thiminike opo a lwithe aamwayina ihe aniwa omutamanekwa okwa tanaukile muyina etemudhenge sigo ota si.

“Sho aniwa omutamanekwa a mono kutya yi na ita fudha okwa kutha okapalwa eta tomeke ondunda ya yina omundilo ndjoka ya lungwina po thiluthilu  ina mu hupa nando oosha,” Kunga a ti ngaaka.

Sho nduno omulumentu nguka amana oku longa iikumithalonga ye okwa fadhuka po ndele ina monika sigo oonena sho Kundana a ka nyanyangidhwa.

Anuwa aamwayina mboka aashona oyali ya adhika ya holama miihwa moka na sho yeya megumbo konima sho ya mono omutamanekwa a fadhu kapo oyali yi itsu yina a kangalala mekungu lyombinzi nokuhaluka nooonkondo.

Yo ondunda ya yina oya lungwina po thiluthilu.

Oya tegelele kushe opo ya wape oku ka lombwela aashinda shoka sha ningwa po. Aashiinda oyali ya tondoka onkugo noya tseyithile opolisi ndjoka ya uhala Omaandaha mokuti ta ya kongo omulumentu ngoka.

Opolisi oya indile ngoka a mono omulumentu gwepipi ndyoka lya tumbulwa ta limbilike pomukunda gweni wu yi tseyithileni meendelelo.

 

 

 

LEAVE A REPLY

Please enter your comment!
Please enter your name here