Omukiintu i ifikile mondunda

0
402

 

ONANDJAMBA – Omukiintu gwoomvula 35 okwii kutha omwenyo paukalo omunyanyalithi sho iifikile mondunda ye yokulala. Oshiningwanima shika osha ningwa Etine oshiwike shapiti poowili dhokomatango, sha ningilwa momukunda Onandjamba moshikandjohogololo Okankolo.

Kornelia Shangano ngoka eli omumwayina kadhona gwa nakusa Maria Shangano okwa hokolola kutya oya adhika oyo ayeke yeli megumbo ethimbo lyokwatoka.

“Maria okwa li ayi kuundunda hono a ziko nokwa adha ndje megumbo, okwa li a yogo iikutu yokaana ke hoka kena omvula yimwe, teka yogo nawa nokonima okweki iyoga woo, okwali woo a yenyekele ndje omeya opo na ngame ndi ki iyoge woo oshoka ondina okanona okashona,” Kornelia ta hokolola ngaaka.

Kornelia okwa hokolola kutya sho a fala omeya ge poshiiyogelo okwali a uvu okaana taka lili ku uka poshiiyogelo mpoka. Okwali anuwa a fala okaana pondunda ya Maria noku mu lombwela a patululepo eye kokanona oshoka okwa li a patapo.

“Sho ndemu ithana lwotango okwali a itaale ndje  ashike nani okwa tema nale omulilo mondunda. Onda ka mona owala omulilo gwa yaka mondunda ye moka. Onda kala te kondjitha ndi egulule po ashike omweelo okwe gu pata onda kongo oshinima ando ndi ngwale po omweelo ashike onda nyengwa. Onda kala te kugu nokudhengela ongodhi kaantu mboka yeli kuundunda, ashike sho ya ka thika inaya vula we okuningasha oshoka oyaadha omuntu a pilamo nale a hulitha,” Mumwayinakadhona ta ti ngaaka.

Oya li ya tseyithile opolisi ndjoka ye ya noku kuthamo omudhimba gwanakusa. Mumwayina ngoka ta ti ka puna nande uuyelele tawu holola kutya omolwashike Maria i ifikile mondunda, ye kali nande a tseyithila omuntu nenge a ulike kutya ke uvitile nawa oshinima shontumba. Ongaashi owala anuwa eki ifikila mondunda ye moka.  Ta ti osheya limbilika unene nokweya thigi nomapulo ogendji pwaana ngo tega yamukula.

LEAVE A REPLY

Please enter your comment!
Please enter your name here