Ondjele yoHIV/AIDS moNamibia

0
504

 

OSHAKATI – Nande ombuto yoHIV/AIDS ya tamekele ili pombada nokushuna poshi eedula dimwe po, ekonaakono la ningwa koshikondo shoundjolowele ola tofamo oitukulwa oyo ina omwaalu wovakwatwa u li pombada va dimbulukwe efiku loHIV /AIDS kuyele manga inaku fikwa kefiku Deseba 01, omo hamu dimbulukiwa omukifi ou mounyuni aushe.

Oitukulwa ihetatu ya tofwa mo ina omwaalu wovakwata kombuto u li pombada imwe yomuyo;Ohangwena, Oshikoto, Oshana, Zambezi, Omusati.

Ouyelele wa yandjwa kuhamushanga woshikondo shonghalonawa noundjolowele Andreas Mwoombola ,oshikondo shoundjolowele osha tula po omulandu wokukonaakona omukainhu keshe ta tameke omafulo nelalakano okuxupifa okahanana ngeenge ina okwa umbata ombuto a pewe omiti manga ina fika pefimbo lokumona okaana. Oshitukulwa shaCaprivi osho shi li komesho momwaalu wovakainhu va fimba. Omwaalu wovakainhu va fimba va umbata ombuto oulile po eepelsenta 36 moshilongo.

Mwoombola ta ti, oshitukulwa shaKavango kombinga yokoushilo ovakainhu va fimba ove lile po eepelsenta 24.1 Oitukulwa ikwao mu na omwaalu wovakainhu va umbata ombuto ve li momateelelo shi li pombada Okakarara moshitukulwa Otjozondjupa ke li peepelsenta 9 oshoyo oRehoboth ili moshishitopolwa shaHardap.

Mwoombola natango okwa weda po kutya, omwaalu wovakainhu va fimba va umbata ombuto owa kolekwa moidjemo yomakonaakono moipangelo shaNgela moshitukulwa shaHangwena u li peepelsenta 22.8 omanga oshipangelo shaNandjowe moshitukulwa shaShikoto ou li peepelsenta 22.4.

Ekonaakono ola ulika kutya Opuwo moshitukulwa shaKunene oidjemo oya ulika oyo ili poshi mokati kovakainhu va fimba moshilongo ashishe. ili peepelsenta 3.9 ya landulwa koidjemo yomakonaakono moshipangelo shaCentral moWindhoek eepelesenta 4.1.

Omukalo umwe tau kwafele meshunifo poshi letandavelo lombuto yoHIV/AIDS  nomikifi hadi tandavele okupitila momilele, okukenghwa. Epangelo ola tula po omulandu wekengho lovalumenhu pamukalo weli yambo opo okuka fika muApiilili komudo 2017 ongudu yovalumenhu ve dule pomayovi 3300 va kale va kenghwa. Ouyelele wa dja mekonaakono la ningwa moilongo yoshitukulwa shaAfrika umbuwanhu Kenya,Uganda naSouth Africa owa koleka kutya  ovo va kenghwa ova amenwa  shi fike peepelsents 60.

Opo tu kandeke etandavelo loHIV/AIDS ovalumenhu novakainhu ova pumbwa ku longela kumwe okufindikilafana ngee komafulo ilo okekengho oko haku ningwa omakonaakono ombuto noku twa omukumo ovalumenhu va kwatwe yoo kohokwe yokukonaakonwa paiyambo pamwe novaholike vavo.

Shikwao,ekonaakono ola ulika kutya, ovakainhu ve li pokati keedula 40 – 44 ove lile po eepelsenta 30.6 dovakwatwa kombuto moshilongo.

LEAVE A REPLY

Please enter your comment!
Please enter your name here