Shitongeni a holoka

0
495

 

ONGWEDIVA

Zulu Shitongeni, ngoka opo a ziko koshipundi shuukansela washikandjohogololo shaTobias Hainyeko moKatutura mOvenduka okwa li aholoka mompangu yopamuthigililwakalo pOshali mUukwanyama, mOhangwena, opo a nyenyete oohapu ndhoka ta dhimulundile iihulo.

Shitongeni, ngoka mwene oye gwomukunda Oshali, oye ali a fala iihokolola kompangu nokufutitha omukulukadhi nomusamene gwe, mboka ha ya zi mOshali, sho anuwa yemu totele oohapu dhina sha niihulo.

Sho a popi na Kundana, Shitongeni okwa ti molwashoka omahokololo oga li taga ehameke komutima noku nyateka edhina lye onga kansela nomuleli gwopamuthigululwakalo, okwa tokola opo a fale mboka ya toto omahokololo kompangu, ye ke ga pyopye nawa. Ta ti okwali a hala aalundili ye ya popye kutya aakulukadhi mboka taye mu lundilile okwa yi la naye peni miihulo.

Omusamane nomukadhi oya li ya monika ondjo kompangu, omolwokulundila Shitongeni, e taya futithwa oongombe ndatu, nenge oondola dha konda pomayovi gatatu, ashike oya pondola oku futa iimaliwa koomuma.

Oshipotha shika oshaholokele mompangu lutatu, netokolo olyaningilwe muSepetemba, Shitongeni tati.

Elenga ndyoka lyali momutumba ndyoka lishiwike ashike nedhina Tuhafeni olyati oshinima oshali shina ondjokonona onde ihe ya pondola okushi manitha. Okwa li a uvaneke opo a etele Kundana oombapila ndhoka dhina oominute dhomutumba ashike sho a dhengelwa ku Kundana, ina kutha po we ongodhi ye.

Mboka woo ya futithwa, Kundana ina vula okuya mona oshoka oongodhi dhawo ina dhi monika.

Nonando momeya ihamu inyenge kamuna okapuka, Shitongeni okwa ti omukulukadhi ngoka ta lundilwa naye okwali shili a monika mohauto ye yoIzuzu onduudhe. Ashike, ye haye ali mo mohauto ndjoka pethimbo ndyoka ihe omwali omumwayinamati. Ta ti mumwayina ngoka oye ha hingi ohauto ye omanga Shitongeni eli kuushimba.

Gumwe gwomaakulukadhi mboka taya lundililwa Shitongeni anuwa elenga lyopevi. Omukiintu nguka anuwa okwa kwatwa komusamane eli mohauto yaShitongeni.

Ashike Shitongeni okwa ti odho shili omukulukadhi okwa londa mo mohauto ye sho ha yi kuuwa, ashike ye ina ya na ye miihulo. Ishewe ye haye a li ta hingi ohauto ndjoka sho ya yile kuuwa.

Shitongeni okwa lombwele wo Kundana kutya ye ita vulu okuya naakulukadhi ya hokanwa oshoka otashi nyateke edhina lye ongomwene gwomukunda sho otashi shundula woo omuntu gwe onga omukokele.

“Ngame omahokololo ngoka oga kala nokupiyagane ka ndje no ndali nda tokola opo ndi ye miihokolola yopamuthigululwakalo opo aapopi yehokololo ndika ya yeleke edhina lyandje,” a ti ngaaka.

LEAVE A REPLY

Please enter your comment!
Please enter your name here