Yahetatu ookandidate dhoKora Music Awards

0
391

Aaulikwa mboka taya ka kondjela omapapa megandjo lyomapapa guuhikingalo oshowo okwiimba oya tseyithilwe oshiwike shayi .Mokati kaambaka omuna oonkulungu momusiki nomokuhika oongala aaNamibia yahetatu. Selma Neshiko ota kundaneke.

WINDHOEK-Oonkulungu ndhoka dha ulikwa okuza moNamibia odho , Ees mongundu yo Albuma dhingi , neimbilo lye (Authentic rebel), The Dogg mongundu yelongelo kumwe miiyimbo  mongalo ye (Africa Baby), D-naff mongundu yomwiimbi hwangu omulumentu moondjimbo dhopambepo (Omuwa ta ya imbi pamwe na Tequila), VMsix mongundu yongundu  yaa imbi yoondjimbo dhopambepo (Ekundungu), Sally mokategoli komusiki ombwanawa yo Urban (Kukutika), Elize Dentlinger mokategoli okawanawa komuiimbi omukiintu muumbugantu wAfrica (hold on), Gazza mokategoli komwiimbi dhingi omulumentu muumbugantu wAfrika na Erna Chimu mokategoli komwiimbi dhingi moondjimbo dhopamuthigululwakalo muAfrika (Hai Serute).

Oonkulungu moondjimbo yeli muukategoli wa faathana  dha kwatelamo aanamadhina ngaashi Busiswa, Lizha James, AKA, Pertson, Mavins, Bracket, Dama do Bling na Micasa mokati koyendji nadho odha hogololwa miilongo ayihe yenenevi ndika.

Megandjo lyomapole ngaka gAfrika omuna uukategoli omilongo 24 wopaitopolwa okuza maaulikwa 150 okuza kiilongo omilongo 54 mbyoka ta yi kuthombinga methigathano ndika. Ethigathano ndika otali gandja oshimaliwa tashi ende pamwe  nekopi kehe lya pewa onkulungu dhingi , omanga onkulungu dhingi menenevi alihe ota yi ka pewa  ondjambi yoodola dha America omilliona yimwe.

Omanga uukategoli ngaashi hoka konkulungu ondumentu mUumbugantu wAfrika, mokati kAfrika  osho tuu otaya ka pewa ondjambi yoodola dhaAmerica omayovi 50 000 kehe omusindani. Opo onkulungu kehe yi vule oku kutha ombinga mokategoli kontumba ndjika oyi na oku kala ya  ulikwa ongo omwiimbi dhingi moshitopolwa she menenevi.

Oshiningwanima shika osha gandja ompito kaAfrika ayehe opo ya tameke okuhogolola oonkulungu dhingi ndhoka ya hokwa, sho tu uka kesiku ndyoka omapapa ngaka taga ka ningwa muMaalitsa omumvo tu uka moVenduka.

Ernest Jovi, omutotipo gwomapapa ga Kora Awards ina vula okuholeka ongeyo molwashoka oonkulungu dha Namibia ndhoka dha ulikwa kadha li po pethimbo omadhina gadho ga  tseyithwa.

Jovi okwa ti oonkulungu dhilwe muAfrica odha hala oku uva ngele odha hogololwa oku ya methigathano ndika, naashika itashi ulike nawa kombinga yaahikingalo aaNamibia.

“Kashishi endhindhiliko ewanawa. Aantu miilongo yilwe  oye na ohokwe okutseya ngele oye shi pondola oku hogololwa ya ka kuthe ombinga methigathano ndika, ndele aahikingalo yaamuka ina ya holoka mpaka,’ osho a ti omanga ta pandula mboka ya li ya holoka.

Okwa londodha kutya omuhikingalo ngoka inaa holoka poshiithanene shika omumvo tu uka ita ka pewa oshimaliwa shoka  ena okupewa ngele ye a sindana. Jovi okwa ti pethimbo lyegandjo lyomapapa ngaka otapu ka imbwa kaahikingalo aanamadhina muuyuni ye li omulongo 16 ya za muuyuni auhe. Mwambaka otashi vulika mu kale Drake, Rihanna nenge Beyoncé okutumbulapo ashike yamwepo, omanga aahikingalo aaNamibia yaali otaya ka pewa wo ompito oku ulika uunkulungu wawo.

Oshikwawo aaningi yomusiki oshowo aatulikumwe yomusiki oya indilwa opo ya ngongepo  ondjimbo yoshiAfrika ndjoka oyo tayi kala ehuku lyomapole ngaka. Yo ondjimbo  ndjika na yi kale ya kwata enenevi alihe lyAfrika.

Aangongi yomusika otaya ka tokola nduno kutya ondjimbo ndjika otayi ka imbwa koonkulungu dhini. Ondjimbo ndjika otayi kwatwa nokonima sho oonaku imba ya kwatwa muuCD nosho tuu. NASCAM ota ka kutha etokolo lyahugunina kutya oolye yi imba nawa yo mbaka otaya ka sindana oodola omayovi gatano. Oonkulungu otadhi vulu oku imba nawa noku pulakenwa oshowo oku talika kaatali yotelevision konyala oomiliona dhi vule omathele ga 700 uuyuni auhe. Eimbilo ndika olina oku thika pombelewa ya NASCAM kuyele .

LEAVE A REPLY

Please enter your comment!
Please enter your name here