Harry a tila okukondjitha Meroro

0
606

Windhoek – Enyakwa nale lyuuyuni mokudhenga oongonyo lyaNamibia Harry Simon, anuwa okwa shuna omutse miipeta, shokahima, sho inaa ilongekidha we okukondjitha Vikapita “Beastmaster” Meroro, molugodhi lwawo itaalu kondjele sha. Nduka olwa li lwa thanekwa okuka kaleko mu  Maalitsa omumvo tu uka.

Olugodhi lwoondjamba mbali ndoka lwali lwa tegelelwa koyendji olwa kalekwa kombinga ya Simon sho ndjika ya ti ina yi ilongekidha okukondjitha omumbokisi ngoka, konima sho mbaka ya li ya zimine oku kondja sho ya pelwe ethaneko ndika.

Ongundu yaMTC Nestor Sunshine oya li ya thaneke kutya Simon ota vulu okukondja nementu lyoontumba, lyaandjaMeroro mesiku eti 19  lya Maalitsa 2016.

Konima yiigongi yomwaalu gwontumba pokati kaSunshine Promotions, nomukwashilipaleki gwe MTC nombinga yaSimon, ombinga ye oya li ya zimine kutya oshi li nawa opo mbaka yaali ya kondje, ihe ngashingeyi mbaka oya lundulula omadhiladhilo gawo.Omudheuli gwa Simon , Anita Tjombe okwa ti yo oya nyanyukilwa osheetwapo shoka shoku pula Simon  a kondjithe Meroro, ndele shoka yaa uvitile nawa osho omukondjithwa.

Ye (Anita) okwa li a thaneke kutya Meroro na pingenwepo ku Joe Vargas, ngoka omufali komeho golugodhi kee wete omukondjithi gwothaathaa unene okushi talela mondjokonona ye yomalugodhi ndjoka yaashi oku inekelwa. Nguka okwa lwa omalugodhi 17 ega sindanapo eta dhengwa momalugodhi 12 ye ta kondjo shi thike pamwe molugodhi lumwe lwomomalugodhi omilongo 31 ngoka a kondja paithano. Gahamano gomwaangaka oga hulu meni lyomadhingoloko guuthwa.

“Vargas okwa dhengwa momalugodhi gahamano gahugunina, onkene tse ita tu vulu okutula iimaliwa yetu molugodhi lwa tya ngaaka, kashi li nawa kaatali yuudhano mbuka okuya yee ya tale olugodhi lwomudhengingonyo omunkundi a tya ngaaka.

“Oshi iwetikile ngekende kutya Simon okwa tila nenge oti iyageke okupalamena Meroro pethimbo ndika, oshi li nawa, otwa simaneka etokolo lye, kakele tse otwa li twa kambadhala mpoka ta tu vulu oku mu galulila moringa ngaashi osho a kala ta pula,”Nestor Tobias, a ti tali omumbokisi nguka poonyugu nenge pothingo.

Omunamimvo 44 Simon sigo okeluwa ndika ina dhengwa monkalamwenyo ye yombokisa, nokwa li teya molugodhi nduka lwa ethiwa ena ondjokonona yomalugodhi omilongo 29, a sindana ngoka 29 omilongo 21 gomugo okwa dhenga mbali ndatu nopevi.

Olugodhi lwe lwa hugunina okwa kondjele na Geard Ajetovic molwepaya lyoIBF International Light Heavyweight. Simon okwa li ta ka lwa olugodhi nduka oku ulika kutya oomvula itadhi ti sha, oonomola ashike, oshoka ye okwa lungundja ngo kambishi, a nukapo shomenye noku nuunyakwa nontseyo natango yokudhenga dhopomeho ndhoka dhemu tula ketuni lyuudhengingonyo, nomutango enyakwa lyuuyuni lya Namibia.

Ihe nando olugodhi nduka lwa kalekwa ngaaka omukuluntu gwoMTC Nestor Sunshine Boxing & Fitness Academy, Nestor Tobias okwa pandula Tim Ekandjo gwaandja MTC  sho eetele oongundu dhuudhengingonyo ndhika mbali pamwe.

“Otashi uvititha na yi kutya ongundu ndjoka oya tindi osheetwapo nethaneko ndyoka ndele tse otatu kaleke omweelo gweeguluka natango ngele pamwe mbaka oya lundulula omadhiladhilo gawo,”Tobias a ti.

Nestor-Tobias Vikapita-Meroro

 

LEAVE A REPLY

Please enter your comment!
Please enter your name here