MVA Fund a wapeka omaumbo ooluxupe moiponga yeehauto

0
339

 

ONGWEDIVA – Egangano lo Motor Vehicle Fund of Namibia, (MVA Fund) ola wapeka omaumbo ooluxupe moiponga yoihauto eli 42 momukokomoko womomudo 2015.

Edi, oda tumbulwa komunambelewa yoMVA Fund yaNgwediva Sirkka Nakashole pefimbo a popifa ooluxupe moiponga yomatuwa ve dule 200  poshivilo shaKrismesa sha unganekwa kombelewa yaNgwediva moshitukulwa shaShana.

Oprojeka yokuwapeka omaumbo oya totwa po kehangano olo tuu olo, opo yeete elunduluko komaumbo ooluxupe moiponga yomatuwa ovo hava filwa oshisho koshikefa shooluxupe moiponga, va dule okulinyenga.

Omaumbo 31 okwa wapekwa moitukulwa ili koshi yewiliko lombelewa yaWindhoek, makwao  omuwoi okwa ningwa nawa moitukulwa  ili koshi yewiliko lombelewa yaMVA Fund mOngwediva.

Nakashole ta weda po kutya, eumbo limwe ola wapekwa moshitukulwa shaZambezi, limwe moshitukulwa Kavango West, Ohangwena omaumbo avali  ofimbo moshitukulwa shaShikoto nomoshitukulwa Oshana mukeshe omaumbo atatu a ningwa nawa.Poshivilo pa li ooluxupe va lemanena moiponga yomatuwa vomapipi a yooloka osha li poSam Nujoma Multipurpose Centre mOngwediva moshitukulwa shaShana oshivike sha ya.

Nakashole okwa lombwela ooluxupe moiponga ta ti, molwa omhumbwe yoshimaliwa oprojeka ei oya enda kanini, ombelewa oya didilika  onghalo idjuu nghee ooluxupe moiponga ve li, navamwe  hava filwa oshisho kombelewa yoMVA Fund ihaava di momaumbo avo vene,  eshi osha ya moshipala elundululo lomutungilo womaumbo omo hava di va dule ku linyenga nemanguluko pamufika wavo.

“Kashipu okudja moshiponga ndee to kala nomwenyo u li ponhele, ngee ino enda moupyu woludi eli ito shi udu ko noupu”. Edi oda tumbulwa ku Anna Kambowe omuxungimwenyo moshikondo shonghalonawa noundjolowele moshitukulwa shaShana, mokutwa omukumo ooluxupe moiponga va tambule ko oulema nonghalamwenyo ipe yomashongo. Te va kumaida vaha kwatele ovanhu eenghone nokunyemata kuhapu, va kale nokukundafana novanhu va dule ku eta po omalunduluko meenghalamwenyo, nova totepo eengudu dooluxupe moiponga va yahama mombuda.

Helena Shilongo, omukwatelikomesho koshitukulwa shomapulaapulo oimaliwa okudja komandiki mombelewa yaWindhoek pefimbo opo tuu opo, okwa fatulula omaludi omakwafo oimaliwa haa pewa ooluxupe moiponga  la tokolwa kewiliko moshoongalele omwedi wadjako . Shilongo ta yelifa omakwafo haa yandjwa she li kwatelela  konghatu yoshiponga, mwa kwatelwa noshimaliwa shepako kwaavo va xulifila moiponga. MVA Fund okwa weda oshimaliwa shokomwedi hashi pewa ovafilishisho vooluxupe moiponga vomifika da yooloka okudja  N$ 500 –N$ 750 vamwe N$ 2000 –N$ 3000.

mva1-(2)

 

LEAVE A REPLY

Please enter your comment!
Please enter your name here