Miss Namibia a sindana muudhano

0
548

Miss Namibia Steffi Van Wyk oye a sindanapo oshilongadhalwa shuudhano hashi takumwa Miss World Sports Challenge, sho oye a kala komeho mokumatuka, mokunuka oshinano oshowo mondapo yoshidhudhu yoshinano shoometa 100. Selma Neshiko ota kundaneke.

Windhoek- Ohapu kala iiningwanima tayi shongo aakuthimbinga methigathano lyomukadhona Kakunawe muuyuni okuuka pehulilo lyethigathano ndika lyuukakunawe wu nelalakano, iikundaneki yomaludhi, omaudhano, iitalendi oshowo omuuliki gwiizalomwa a dhengambanda.Omashongo ngaka ohaga pe aakuthimbinga ompito oku imonena iitsa ya simana..

Omunamimvo 24 ngoka oye enyakwa muudhano wokutondoka oshinano shoometa 100 shatulwa iikateki, okwa thigipo aakuthimbinga ooyakwawo ayehe mokumatuka koohandimwe oshowo mokunuka oshinano oshile nomokutondoka ondapo yeendelela  yoshinano shoometa 100. Moonkundathana Van Wyk okwa ti: “Ondi uvite uuntsa sho nda sindana miinima mbika, ha molwandje mwene ashike ndele nomolwoshilongo shandje  wo. Itandi vulu okupandula aakuthimbinga ooyakwetu ayehe molweyambidhidho ndyoka ya pendje. Epapa ndika olyetweni atuheni molwashoka okupondola huka kwonena okwa ulike nkene twa longele kumwe nawa ongo ospana.”osho a ti.

Pahapu dhepandja lyaMiss World, Van Wyk okwi hokolola mwene kutya ye omutnu ehole omaudhano noonkondo. ” Okwa ti  “Owa taambelwa monkalamwenyo ya Steffi, omuholi gomaudhano tagu pumo, ngoka ehole onkalamwneyo nelalakano  oku ulukila aantu nkene taya ilongo oku itaala muyo yene.

Omolwa eyalulo ndika  Van Wyk pauteknika okuna ompito okukala omutango momusholondondo  gwaa kuthimbinga methigathano lya “Miss World” 2015. Shika otashi ti wo okuna ompito yoku kala komeho okuhogololwa okuka kala mongundu yahugunina yaakuthimbinga mokati kaamboka tamu ka hogololwa omusindani.Ndele ompito ndjika opo a sindane oshikoloni shika kayi li nawa oshoka aalanduli yethigathano ndika otaya ti kapena omukuthimbinga ngoka a sindana oshitopolwa shuudhano a vula oku sindanapo oshishani  shoka wo. Aanawino oya ti wo kaye shiwo naanaa, onkene oya ti, kutya olye ta ka sindana epapa lyuukadhona kakunawe ota li ka monika ashike pethimbo lyuusiku wezaleko lyoshikoloni komusindani.

Oshiithanene oshi ti 65 shokomumvo otashi ka ningwa Olyomakaya ndjika tashi ningilwa   mo Beauty Crown Grand Theatre mo Sanya, shaChina. Shika oshikando oshitihamano mu China tamu ningilwa ethigathano ndika.

Miss-Namibia-1

LEAVE A REPLY

Please enter your comment!
Please enter your name here