Nkene omaudhano taga ka enda pethimbo lyomatango omanene

0
313

 

Omaudhano gooliha moshilongo oga tulamo ombiliki, sho tu uka pethimbo lyomatango omanene ashike nando ongeyi omaudhano ga tseyika nawa ngoka haga etelelwa kiituthi ya Krismes otaga ka dhana onkandangala pethimbo ndyoka.

Mpaka otapu landula gamwe gomomaudhano ngoka Kundana ali anothelwako.

ONDJOLA-Otonamende yokomumvo ndjoka yatseyika nawa koyendji otayi ka kala ko okuza mo 25 -27 Desemba 2015, otonamende ndjika oya nuninwa oosipana ndhoka ihaadhi dhana moliha dhina aadhani okuza pomimvo 15-35.

Oosipana odha tegelelwa dhi ka ishangithe no N$ 500 , na ota dhi ka kondjela okapandi koodola 20 000.

Ondjola oyili moshitopolwa shaMusati ookilometa 7.5km okuza kOkahao no 7.4 km okuza koTsandi.

OKAU-Uudhano wokomumvo woKau Kamasheshe ota wu ka kala ko okuza 22-24 Desemba 2015 po Kau kamasheshe Sport Field, oosipana odha tegelelwa dhi ki ishangithe no N$ 800, molugodhi lwoku kondjela okapandi ko N$ 10 000, moka osipana yotango tayi ka yambulapo okapandi ko N$ 5000, ekopi noombandi dhoshingoli, omanga osipana ontiyali tayi ka yambulapo okapandi ko N$ 2500,osipana tayi keya ontitatu ota yi ka toolapo N$ 1500 naandjoka tayi keya pehala etine otayi kamona ooN$ 1000.

Oosipana kehe ihadhikutha ombinga moliha odha tegelelwa dhi ka kuthe ombinga noosipana otadhi ka hogololwa Olyomakaya ngaka pOshimana Bar mOshakati.

OLUTEYI-Uudhano wokomumvo mboka wa tseyika nawa Oluteyi Fun day otau ka kalako mesiku lyoKrismesa pOluteyi sport Stadium momasiku 25/12/15.

Oosipana adhihe ihadhi dhana moliha odha tegelelwa dhi ka kuthe ombinga, omukwatakanithi guudhano mbuka Inodhimbwa Shaanika okwa ti oya tegelela oosipana dhina adhani okuya pomimvo 25 okuya pombanda.

UUKWANGULA-Uudhano wokomumvo waakokele mboka tawu ka kala ko okuza mesiku lyotango lya Januali uudhano mbuka ohawu kuthiwa ombinga kaadhani yeli pomimvo 40 okuya pombanda.

 

 

LEAVE A REPLY

Please enter your comment!
Please enter your name here