Okonseta yuunkulungu moKatutura momathano

0
273

Windhoek:-Oshiwike shayi pendiki lyuunkulungu  lyoshigwana moKatutura sha Venduka opwa ningilwe oonkundathana kombinga yuunkulungu momusika. Selma Neshiko okwa li pokonseta ndjika ngaashi teyi eta pamathano taga landula.

 Omusiki oyo ya li ehuku lyokonseta yoonkundathana kombinga yuunkulungu ndjoka ya ningilwa pendiki lyuunkulungu lyoshigwana moKatutura nenge Katutura Community Art Centre (KCAC).

Oshiningwanima shika otashi tsu kumwe neitulemo lyaNdoishi okukalekapo oohedhi itaadhi vulu okugumwa dhaNamibia, shika sha endele pamwe nopoloyeka yedhina Stolen Moments Project Team.

Shoka sha nyanyudha aatali naapulakeni poshiithanene shika ooshoka shokumona aahikingalo aakulu molupe lwa Frederick Kamburutue AKA “Kariki” oshowo Carlos Kambaekwa [CK] mboka ya li ya yamukula omapulo gawo kombinga yawo ongaahiki yomusiki monakuziwa. Aahiki aakulu mbaka oya hokolola hoka ya za ngele tashiya komusiki pomimvo dhomilongo 1970 no 1980 oshowo nkene ya li ya longo nuudhigu  ongaahiki yoongalo pethimbo lyokatongotongo.Oshowo mbaka oya li ya yelekanitha onkalo yawo naandjoka yongashingeyi ngele tashiya komusiki moNamibia. Kariki okwa kumike oonkulun gu dhomusiki ooNamibia opo dhi ya holele dhaa landule omaihumbato taga piyaganeke.

Omanga Kambaekwa okwa kumike aaNamibia ya taambeko omusiki yawo oshowo oohedhi dhawo, a gwedhapo a ti aatuliko yoongalo oya pumbwa oku ethapo omukalo gwokudhana oongalo dhomusiki yaakwiilongo , noku tameka okudhana oongalo dhaahikingalo yomoshilongo. Oonkundathana ndhika odha li dha landulwa komainyanyudho geetwa kaahikingalo yo Original Jazz Masters oshowo omuhikingalo omuNamibia gwoAfro Jazz noMa/Gaisa Erna Chimu.

LEAVE A REPLY

Please enter your comment!
Please enter your name here