Omuvo nongola

0
371

 

ONGWDIVA-Omumvo 2015 ogwali omumvo guudha omaudhano niiningwanima yomaudhano, menyanyangidho lyoshifo shahugunina shokomumvo Kundana ote ku etele yimwe yomiinenenima yomaudhano mo 2015 otwi inekela owa kala nokulandula epandja lyomaudhano mOshifo shika.

OKATANGA KOKOOMPADHI

Osipana yokatanga kokoompadhi yaNamibia Brave Warriors oyali yasindanapo ekopi lyo COSAFA konima sho yali ya dhenge osipana ya Mozambique 2-0 kohi yomudheuli Ricardo Manetti .

Ekopi lyo NFA Tafel Lager lya dhikwa lyiitopolwa ine yokoNooli olupandu naluye kosipana yo KK Palace sho oyo  ya sindanapo ekopi ndika.

Kundana okwali ekupe Onkundana nkene osipana yoYoung Chiefs yali ya ningi ondjokonona sho yali ya sindanapo oliha yo First Division nokuya koliha yo MTC Namibia Premier League okukalelapo oshitopolwa shokoNooli moliha yopombanda.

Pokati mpoka Osipana ndjika oyali wo ya holoka muKundana moka twa li twa holola nkene omudheuli gwayo Alex Iitumba eli muudhigu wu vule oonkondo dhe sho osipana ndjika iitayi shi enditha nawa moliha ndjika.

UUKAMBE-Kundana okwali koNamatanga, omukunda guli 120km muuninginino wOkahao okuku etela ethigathano lyUukambe naandyoka lyokuumba uutati. Ethigathano ndyoka lyali lya thigi, Shuumbwa “the War Veteran” na Ndapanda Shuuya ita yeshi popile omutumba oshoka hwiya okwali onkambe Shaanika nOmuputu gwakandjala taya matuka “ogutu”ndele nayo ya tokola kutya otaya ka kutha ombinga momumvo taguya. Omusamane Shaanika ngoka oye thimba yina ongodhi muudhano mbuka otatu mu halele uukolele tse ta tu tsakanene ishewe kOnamatanga omumvo taguya.

OKATANGA KOMOKAMABMA

Otwa li wo twe kukundaneke nkene Okalaba yOngwediva Medipark yali yapewa epapa konima sho yali yasindanapo oliha yo Netball koNooli,konima sho yali ya ulikile Oosipana oonkwawo komutse gOndjamba. Uudhano wokatanga komokambamba  otau endelele koNooli, oshoka Oosikola odhindji odhili dhasimaneka uudhano mbuka nOsikola ndjoka twali twa shanga tayi shi enditha nawa momaudhano ngaka oyo Otjikoto Secondary School ndjoka yali yasindanapo ekopi lya Old Mutual lyosikola.

ETANGA LYOKOMAKE

Otwali twa shanga kombinga yetotepo lyendiki lyokudheulila aanona ndyoka hali ithanwa Africa Dream Project ndyoka lyali wo lya sindanapo epapa lyiiputudhilo yomapendulepo kegandjo lyomapapa guudhano woshilongo.

BASKETBALL

Oliha ompe yo Basketball oyali ya totwa mOngwediva konima sho uudhano mbuka wali tawu hala okusapo miitopolwa yokoNooli oliha ndjika oyali ya eta pamwe oosipana dhomakanda dhili 10 nodhaakadhona dhili ntano.

LEAVE A REPLY

Please enter your comment!
Please enter your name here