Onathinge Summer Tournament nonuumwo oko yili

0
323

 

ONATHINGE – Aagundjuka pomudhingoloko gwaNathinge moshikandjohogololo Onayena oyena ethaneko nedhiladhilo opo ya yambulepo omudhingoloko gwawo kombinga yomaudhano.

Shika oya li ye shi holola konima sho omumvo gwa ziko yali ya longekidha uudhano mono oosipana dha yoolokathana dha li dha kutha ombinga.

Dube Ashipala gumwe gomaalongekidhi yuudhano mbuka okwa yelitha kutya oya hala okuhangana nookuume kawo, no ya li ya dhiladhila opo ye shi ninge pamukalo guudhano, yo taya  ikutha uuza.

“Olundji ngele tweya komafudho komagumbo ohatu kala owala tuli momagumbo twaana sho tatu ningi na yalwe yomaagundjuka ohaya kala owala pomahala gomanwino, onkee otwa tokola opo tu longekidhe uudhano mbuka nonuumvo ngaashi twe shi ningile omumvo gwa ziko,” Ashipala ta ti ngaaka.

Ta ti uudhano mbuka owa thanekwa wu ka kaleko momasiku 23 no 24 ga Desemba nuumvo pokapale komaudhano pOnathinge. Dhimwe dhomoosipana ndhoka tadhi ka kutha ombinga odha za momikunda ngaashii Uushinga, Omandongo ,Onathinge,Onyaanya, Iihongo oshowo Oniingo.

Ashipala ta indile natango oosipana ndhoka dhili pomudhingoloko nodha hala okukutha ombinga dhi kale dha kwatathana nongodhi ndji 0812412975.

Okwa ti elalakano lyawo oku longekidha uudhano mbuka okuyambulapo Onathinge  ngele tashiya komaudhano, noku yambulapo omaudhano ngoka aagundjuka oyendji kaaya hole. Uudhano mbuka owa kwathelwa kOnathinge Youth Group, noya mona woo omakwatho ko A Bar, RENA Investment, Natse Investment, YaHao Trading, Gumbo Trading na dhilwe.

Okwa indile aagundjuka oshowo aantu yopomudhingoloko ye ye ya gandje omukumo pethimbo lyuudhano mbuka, yo ya yande okukala pehala lyomanwino. Ashipala ta ti molwaashoka uudhano mbuka opo wa totwapo mo2014 oyena owala manga okatanga kokoompadhi ashike oyena ehalo opo ya kale yena omaudhano ga yoolokathana koomvula dhokomeho.

Ashipala ta pandula ayehe mboka taya ka kutha ombinga. Ota tsikileko kutya otapu ka gandjwa oshindji kospana ndjoka tayi ka sindanapo uudhano mbuka. Ta pula eitulemo nesimaneko oshowo ombepo oombwanawa kaadhani nokwaayehe taya ka holoka.

LEAVE A REPLY

Please enter your comment!
Please enter your name here