OoN$600 oomilliona odha nuninwa Omusati miimaliwa yehumokomeho yomumvo 2015

0
307

 

Omutengenekothaneko oguli oshitopolwa shomutengenekothaneko gwopashigwana. Nguka otagu ulike egandjo lyiimaliwa okuza kepangelo okufutila iilonga yeyambulepo lyoshilongo.

Moonkambadhala okugwanithilapo oompumbwe dhehumokomeho moshilongo omutengenekothaneko gwehumokomeho omumvo gwiimaliwa okuza 2015/2016 sigo 2017/2018 ogo ooN$36.8 oobilliona.

OoN$36.2 oobilliona  ndhika odha zi moshiketha shiifendela omanga  ooN$604.4 oomilliona ndhika odha zi pondje  yoshiketha shiifendela yokongulu. Omwaalu nguka omunenene ogwa nuninwa okutula miilonga oopoloyeka dhili kumwe adhihe 723 mundhoka 647 otadhi tsikilwa omanga oopoloyeka 76 oompe opo dha tamekwa.

Omatungo niilongitho yElongo moshitopolwa shaMusati oya tulilwapo ooN$13.5 oomilliona oku yi opalekulula, omanga omwaalu gooN$7 omilliona dha gwedhwapo otagu longithwa oku opaleka oosikola moshitopolwa shoka. Oseko ya Nawa otayi ka thikama mbala sho ndjika yi itulilwa ooN$5 oomilliona oku yi tunga dho ooN$7oomilliona odhi itulilwa, opo dhi longithwe mokutunga oprimasikola yOutapi oshowo ooN$1 omilliona  otadhi ka longithwa okutunga oprimasikola mOkahao.

 

Ongulumambo mOutapi oya tulilwapo ooN$2.7 oomilliona. Omihandjo dhokukala moshitopolwa odha tulilwapo ooN$7.4.OoN$10.8 oomilliona odhi ikalekelwa oseko yAshipala. Omanga ooN$7.5 tadhi ka longithwa okutunga oprimasikola yi na omuhandjo pOmakange.

Elelo lyElongo mOmusati otali kakala mbala lina oombelewa dhalyo dhoshitopolwa sho ndhika dha pewa ooN$10 oomilliona. Iimaliwa ya gwedhwapo oya nuninwa etungo lyomagumbo gaalongi mbika ooN$6.5oomilliona, omagumbo gaalongi yiikunino otaga ka tungwa koo (N$2.3 oomilliona) omanga eyambulepo lyomatungo goosikola dhiikunino tali pewa oo(N$2.3 oomilliona).

Omayakulo guundjolowele ooN$15 oomilliona odho ku opaleka oshipangelo shaKahao omanga dhili N$4.3 oomilliona odha nuninwa shoka shopoTsandi.  Etungo neopaleko lyomandiki guundjolowele nuupangelo uushona otali longitha oo (N$5 oomilliona) omanga uundjolowele wopetameko otau pewa oo (N$3.5 oomilliona) .Oku opalekulula oshipangelo shOutapi otaku ningi kwoshili mbala sho iilonga mbika ya tulilwapo oo N$7.1 oomilliona  omumvo gwiimaliwa 2015/16.

Oshikwawo ooN$8.248 oomilliona odhi itulilwa okutunga omweelo guupitilo poongamba gwaKashamane pokati ka Namibia nAngola oshowo oo N$560 000 dhombelewa yopashitopolwa yoshikondo shIikwameni nuupitilo poongamba mOmusati. Aanambelewa yiikwameni  oya tulilwapo ooN$13.3 molwokuya tungila omagumbo pomweelo gopoongamba oshowo pomahala galwe mpoka haya longele meyakulo lyoshigwana.Omwaalu gwagwedhwa kwaanguka ogo oo N$3.5 oomilliona dhomagumbo gaaniilonga pomweelo gopoongamba gopOmahenene.

Oshikandjohogololo Etayi otashi tungilwa ombelewa ompe yopolisi koo N$20.6 oomilliona nombelewa yoshitopolwa yOmusati otayi ka tungwa kooN$11.6 oomilliona. Ishewe ooN$10 oomilliona odhi itulilwa okuyeluthapo oosasiona  dhopolisi oshowo okutunga omagumbo gaanambelewa yopolisi. Eopaleko lyiilongithwa  yopolisi olya nuninwa ooN$350 000.

Iilonga yokutulapo omayakulo gopamuni pOkahao otayi taamba oo N$10.5 oomilliona omanga iilonga yoku fala uundjugo nomayakulo galwe momikunda otayi pewa ooN$5 oomilliona.Etungepo lyendiki lyomapendulepo komikunda lyOmusati Rural Development Centre olya tulilwapo oo N$10 oomilliona niilonga yomayakulo gopamuni pOshikuku oya pewa oo N$12.5 oomilliona. Mo Ruacana iilonga yokutunga  omayakulo gopamuni oya nkondopekwa  nokupewa oo N$10.1 omanga mbyoka yomoshitopolwa oshitihetatu mOutapi ya nuninwa ooN$19.9 oomilliona.

Omapendulepo galwe ngoka ga pewa omiyalu ominene oga kwatelamo ooN$20 oomilliona meyakulo lyoku gandja omeya komikunda. OoN$10 oomilliona odha tulilwapo etungo lyomandiki goofabulika dhokutumina iinima ya longwa moNamibia pondje. Omanga uundjolowele wiinamwenyo owa tulilwapo ooN$5 oomilliona.

Aanafaalama yomoshitopolwa shika oyena oku kala taya imemeha oshoka opwa tulwa ooN$20.5 oomilliona okugwedha kongushu yonyama yongombe miitopolwa yokuumbangalantu .

Patungo lyoondjila ooN$12 oomilliona odhi itulilwa okutula oteya kopate yOshikuku-Okalongo .OoN$21 oomilliona otadhi longithwa okutunga opate yongalama okuza pEpato okuya kOnkani. OoN$40 oomilliona otadhi tungithwa opate yoomanya okuza puAmwaanda okuya kOmutambo Mawe nooN$3.5 oomilliona oku opaleka ondjila Oshakati nOngenga okuyi tula oteya.OoN$20 oomilliona dha gwedhwapo odhi itulilwa okuyambulapop ondjila Omafo / Ongenga sigo Outapi yi ninge yoteya.

Endiki lyezulonkalo lyopOutapi olya thanekelwa ooN$52.5 oomilliona. Yo ombelewa yOmuperesidende oya pewa ooN$10 oomilliona okunkondopeka egameno lyoshilongo. Aatalelipo otaya kala wo yuuvite egameno moshitopolwa sho ooN$10 oomilliona dha nuninwa oondjila dhaa talelipo momudhingoloko gwoshitopolwa shoka.

LEAVE A REPLY

Please enter your comment!
Please enter your name here