TUYENI KOLUPALE LA TUYENI: Naitye ngoo waka!!  wayu wayu!!

0
464

Ovamati noukadona ngaho otashiti ne otava ningi ne omitilo keemwenyo molwaashi eli olo efimbo leehango daava vafika okuhombola nokuhombolwa naava twa menekela mowela.

Shiwana ngeenge tamu ningi eehombo deni kaleni shili muhole ava tamui navo mohombo nokukala mwevi inekela momaudjuu nomawii avo, oshili osho tashi ningi eehombo deni diye fiyo okoivilo yeni yaxuuninwa yomounyuni omu.

Efimbo limwe ngeenge handipopi, vahapu vamwe ohava tale ngeko naana ngaashi okapopifa koku danauka kounona molwaashi oshili yoovene ngeenge taipopiwa ohailuluma nokutapata keemwenyo ngeenge ta itongwa.
Ngaashi oinima ei hainingwa moshilongo shetu, ame kandishi ngeenge nopoilongo yopoushiinda osho ngo haku ningwa ngaho, nongeenge mboli eshi shili kOnghumbi osho ngo shili kEvale, oshayela kutya mboli ounyuni owatekapo.
Ame mwene onda hala ashike okulondwela ovalihomboli ava haveli hombola nena vo mongula tava hengana, shiwana kotokeni osheshi otamu ningi oitwa komaxuli, mwakwatelwa noilengifa tamu iningile ovakulunhu veni.

Otashi udifa nai to ningi oshivilo shoye shohombo, ndele to lombwele ovakulunhu voye aveshe opo veuye vadane oshivilo shoye, ndele nokonima ovakulunhu va shuna otava lombwelwa vali kutya, kohango kwinya mwa ile ohombo kaipo vali ilo ovanhu ovelidipaya nomakatana.
Eshi muna okudimbuluka okutya oivilo yeehango ohaipula shihapu, molwaashi ovakulunhu oha velilongekida efimbo lile, tava dipayapo yo eengombe kwali vekwete nokudunga omalodu ndele neexuxwa apeshe opo.

Oku tala nee ovakulunhu va longifapo eliko lavo lifike opo, ota shi ehameke omwenyo molwaashi vamwe ohaamuumbwa neengalo doinamwenyo.
Eshi tashi ku kumwifa efimbo limwe omunhu umwe ohai ashike mohombo ndele mboli ye okushishi ashike nokutya kohombo oko  ita ningiko efimbo ye okwatanaukako nale sha hala okutya ovakulunhu ovakuwilila ashike oipupupulu nokuhepeka omaliko avo.
Ovalumenhu vamwe ovo nee va tyopokela, omulumenhu tadi koushimba taka hombola kOwambo ndele mboli mobashu yaye yokoushimba okwafiyamo omukulukadi waye wokomoonda, eshi ngo a mana okuhombola kOwambo ye otashuna koushimba oku hapange vo nomufuko waye ou ehole shili.
Paife omufuko ou opo a hombolwa opo ne ha kala pomukunda opo nokuli ta kwela kwela ashike ilo to hange ta toola eenghekete pomukunda wavo opo aninge eembike daye, nefimbo limwe nokuli oto hange naana tanyika shili nohombo molwaashi vati omuhombolwa.
Shiwana efimbo limwe onye tamu tondifa ounona eehombo naava inaava hombolwa natango molwaashi ohava ka djapo ta vati, ame kandiwete ngeenge ohaihombolwa molwaashi ondatila okudipawa ilo ukale tonyika ohombo manga omushamane tali oushiimba waye navakwao.
Natango ovalumenhu vamwe ava inaava hombola mohombo ovatilamo molwaashi ota vati, omunhu shima ashike wa hombola omafiku ashike avali ye omukulukadi woye okwa hengana ove toningi omupombolume.

Vaholike oshili pwilikineneni vatekulu vange ndimulombwele, eehombo deni eshi hadikala tadi nyika oshayela kutya onye vene ihamudi kosho na kamushi okudiwapaleka do dikale daukilila naana ngaashi ohombo ina okukala.
Pwilikineni ndimu lombwele nawa, ka hombolweni muna elalakano nohole shili yokuya mohombo, ndele inamu keli kufa omipya. Osheshi kongeleka oku hamui tamu ti omwa hala okudja omipya, ongeleka ihikosho nande omipyai.
Oshinima shimwe ngo ndiwete tashi ka kala shanyika oshiponga konima yefimbo, eshi ngo haitale ngeenge ngo otamu danauka nokuninga oiyuunda yomadu, kandiwete tamu ka kala inamu futifwa oikulya yovanhu neengobe dihapu odo hamudipayelwa. Osheshi ovakulunhu navo otava ka loloka ne okatoo keni oko.
Ashike shidimbulukeni nawa kutya, Kalunga ou eli pombada opo ngeenge okwe kupe ohombo yoye owa pumbwa oku ikwata nawa ngaashi ukwete omai oxuxwa aa he lidenge pedu.

Omweshikoneka ngoo nawa kutya moshilongo natango omuna ovanhu ovo vahala okuya mohombo,ndele inamu tya eshi inaava yamo ina va hala, ndele osheshi ashike oipatululo yohombo ohavei udile ashike ili komaumbo eni,  hano okokutya nye ovanelao kedambaleni mu kwate ashike eehombo deni nawa ngaashi mwaana.

Koima kwoovene kakuna oshinima shiwa shafa ohombo, ndele ongeenge ne we ikwata nawa nayo opo tomono ounyenye wayo, natango kakuna vali oshinima shilulila shii shafa ohombo, molwaashi ohombo ngeenge owei kwata nai, nayo oshili otaikukwata nai yo ikukwate ngo nopofingo ndele taiumanemo filufilu ove to ka tya ne Kalunga hano okulipeni vakwetu?
Efimbo limwe nge tu wete komaumbo eni taku twimaana omwifi wohombo yoye taipi, itatu ya nande tu ku vatele osheshi efiku lohombo yoye eshi wali kohalutali onye ashike mwaliko omanga ovanhu kwali tava ku wilile nye nanye okwa li tamu menyemo eshi mu wete mwafewa muudite nawa.
Pwilikineni ne poivilo yomafundula utale, ndishi moNamibia omuna ngoo ovanhu vamwe velininga ashike vokuya koivilo yavakwao vo va ka tale nokupopya eshi shaliwako nokonima ohava ka popya tava ti, kaanave koima kwinya ka kwalisha inakuliwasha. Hai ndimu lombwele osho  shi li mondjila sho osho shafimana kunye.

efimbo limwe okwatya ngo mu tu koshivilo oko waya, otashi shiva ino ufanwako, oshitivali otaku ka kalasha ngaipi shokulya ove naave eshi wa yako kuna eshi wa twaalelako sha, owa kufa ashike edimo loye ove otoli umbu komesho nomesho oye uka tale eshi ta shiningwa.
Efimbo limwe otwa lulilwa kokupopya oinima yovanhu, naai yee heshi yetu, oto ka mona mohango yovanhu mwaliwa onghili, ove naave ino ninga ohango natango pamwe mohonga yoye otamu ya okuliwa ookashima, otamu ka pota inamu popya vali oinima yavakweni inamu itumwa.
Nye ne vakwetu omukala ngo hamu i koivilo oku mwaufanwa, otoi kohango ove oshili kuna ngo nande ou uushiiko ndele owaka ondola ashike omesho oye, ngeenge omatwi oye osho a fiti nande okeeshiiva edi hadi kala tadi shikwa oto katya owa ningila omupulupulu mohango yalye, ilo owalikilamo nande okombwa komikala oko hamukala eefika oto katya owalikila peni?

Shiwana hano lilongeni okushiivwa ilo toi ngo poima waufanwapo, ndele hanghee ngo kwali tokongo nande eengobe doye, ove otoudu koushilo taku kuwilile ove naave owa tanauka osho ukadane ohango, na pamwe ovanhu otava kuwilile nande epasha ladalwa lo kalishi ne lepata leni.
Hano efimbo limwe osho hamu ke li haluka muli eefika momikala tamu elulilwa nokaulu keembwa ngaho, nye tamu kadjapo tamu ti mbela omwadimbiwa okupewa oikulya, inamudimbiwa ndele kamu shivike molwaashi kapena ou emuufana.
Elondodo pu Desemba apa.Oukadona ava hamukala kOwambo kotokeni, oshinima osho tashidi koushimba paife ngaha, osho kashishi ovamati, ndele oshili ovo ovashamane vafiya ovakulukadi vavo meebashu nokuli koushimba oko, shima ngo ndele itamuli kwata nawa tamu tokolelwa eendjeva deni kovashamane nena eli nye mu tale apa ta muuka, ndishi ohamu ti onda pota kwaalo hano ne kOwambo oko.
Elondodo kovamati.

Ovamati ne nye ava hamukala kOwambo, kotokeni eedidi odo tadidi koushimba paife ngaha, ovo oshili kaveshi oukadona ndele ovo ovakulukadi vafiya ovashamane vavo moushimba vamwe nokuli eelinga ovedidulako omo dili moundjato vavo omo, osho mu wete valya nawa ngaho ovalya oikulya yovashamane vavo.
Elombwelo koomeekulu nootatekulu.
Ovanhu ovo veya kOwambo oko shima ngo ndele vamanapo oimaliwa yavo yeelefa yokushuna koushimba, kwafeleinge vakwetu hashimaliwa nande shopendjela tashi pewa omunhu eke shilondifepo okabesa, ote ke shaalula naini? Vo ovo vo ashike haveya pu Desemba, vo okwali ngo veya noimaliwa oya pwila koundingosho oku haku tokelwa.
Oshili opena okaana ta keende keemadi okuya koushimba neudo, oimaliwa yopendjela otwe ididilika nokuli ohatui hademo moundjato veni poubesa.

JOHN YA TUYENI
MRTUYENI76@GMAILA
CELL 0812988549

Omadiladilo aa oomushangi yeemwene ndele nee kaashi a Kundana.

 

 

LEAVE A REPLY

Please enter your comment!
Please enter your name here