Ya hambula eshina lyokukutika

0
363

 

OSHIKUKU – Mboka yena uunongo wopaungomba momudhingoloko gwaShikuku moshitopolwa shaMusati oya tula uukuni kumwe etaya nduluka po eshina lyokukukutika iilongomwa yomepya.

Ongundu yaalumentu yeli omugoyi mboka yena uunongo wopaungomba wi ili nowi ili oya nduluka po eshina lyokukutika iilikolomwa yo momapya ngaashi oofukwa, iilya, omapungu noshowo iikwamuma hayi vulu oku kukutikwa.

Eshina ndika olya longwa nee moaluminiuma opo yi keelele olusu, iipilangi mbyka kwa dhengelwa omushalo noshowo ondhalate yoshipe hoka ha ku tentekwa iilya yo yi wa pe oku pepelwa kombepo.

Kuuyelele wa gandjwa kuPetrus Nambinga, osheya pula oomvula dhili ndatu oku nduluka po eshina ndika nelalakano lyeshina ndika kalishi oku landita ashike oku kwathela aanafaalama ya longe omashina gawo goludhi nduka opo ya pondole oku likola oshindji .

“ Tse elalakano lyetu lyo kunduluka eshina ndika kali shi oku landitha omashina ngaka. Tse otwa hala oku tala ngele ota tu vulu oku longa omashina ngoka haga landithwa kaatiligane oku ninga iilonga iipu. Ashike uunongo wetu mbuka otwa hala tuwu pitithe maanafaalama ooyakwetu opo ya vule oku longa nuupu,” Nambinga ati ngaaka.

Nambinga okwa ti ngele oya mono eyambidhidho oku landa iilongitho yo kunduluka po omashina ngoka ogendji nena otaya ka longa aanangeshefa noshowo aagundjuka unene yomoshitopolwa shaMusati nkene omashina taga longwa opo ya vule okwiilongela kuyo yene.

Ashike Kundana sho a ka tala eshina ndika omwali mwa tulwa iilya yazi momeya ashike moominute 15 iilya oya kukuta nale meendelelo.

Nambinga okwa tsu omuthindo nguka kutya oku longitha eshina lyoludhi nduka otashi keelele iikulya ya dhengwe kombepo oshoka olundji aaNamibia ohaya kukutike nomukalo gwokutula iilya pothaila opo yi kukute.

Ashike okwa ti neshina ndika omukalo ngoka otagu ka ninga oshinima shoka onkuluyonale.

Nambinga okwa ti yo ehangano lyawo aalumentu yeli omugoyi ihali ningi ovenisa ashike ohaya longele kumwe opo ya tidhile ondjala kokule ashike oyena woo ehalo lyoku longa aaNamibia ooyakwawo nkene iinima hayi longwa oshali.

Eshina oha li longo kolusheno, olusheno lwoketango noshowo kokashina kolusheno.

Olina woo otundithimbo oku imweneka lyolyene uuna iinima ya ku kuta.

 

LEAVE A REPLY

Please enter your comment!
Please enter your name here