Choice FC a tyakeleke muudhano koKaukamasheshe

0
296

 

OKAU-Choice FC oye enyakwa lyuudhano woKaukamasheshe konima sho ali adhengemo osipana yo New Start okola 1-0 medhingoloko lyahugunina noku yambulapo ekopi lyoKau noombandi dhoshingoli ndhoka dhali dha ende pamwe nokapandi koodola N$ 5000, omanga New Start  a toolapo ehala etiyali  noshipandi shooN$ 2500.

Edhingoloko lyahugunina lyuudhano woKau olya li tali yelekwa nolugodhi lwa David na Goliatha, oshoka New Start okwali osipana hayi tyakaleke oonkwawo mondjokonona yuudhano mbuka na oyali yi na ompito okusindanapo uudhano mbuka oshikando oshitine , konima sho yali ya sindanapo uudhano mbuka iikando itatu yalambathana.

Okamati Samuel Ashipala hoka oko ka tulamo ookola odhindji kevule oosipana oonkwawo, okali ka shangulula ondjokonona yekopi ndika sho kali ka tulamo okoola ndjoka yali ya etele Choice esindano nando olyali lya pitile meyulu lyonane, oshoka New Start na ye okwali ena oompito dhaandjuka dhokutulamo ookola ashike ina ya longitha oompito ndhika.

Osipana yo Inter-Milan yokomukunda Oshitowa oyali ye ya pehala etitatu moka yali ya toolapo N$ 1500, omanga Young Boys natango yokoShitowa yali ye ya pehala etine nolyahugunina moka yali ya hekelekwa nokapandi ko N$ 1000.

Omuunganeki guudhano mbuka Indileni Sat Sam Iipinge okwa ti uudhano mbuka wopamikunda owuli lela tawu humu komeho nopethimb o lyuudhano oya tegelela oosipana dhili 16 naatali yeli 600 okuzilila komikunda hoka kwa yambukile oosipana ndhika.

LEAVE A REPLY

Please enter your comment!
Please enter your name here