Meriam ota etapo osikola yokudheula ootjaka

0
375

 

Enzuna dhingi, ndyoka li shiwike nawa moshilongo nopondje yasho ongo olyo kamana nenge dhingi ngele tashiya mokweenda kwalyo, Meriam Kaxuxwena, okwiipyakidhila oku etapo osikola ye  okulonga no ku dheula uukadhona dhingi moshilongo.Pinehas Nakaziko okwa kundathana na Kaxuxwena nongashingeyi ote tu kuthileko

WINDHOEK-Osikola ndjika ta yi ka ithanwa MK Modeling Academy, oyo yimwe ya talikako tayi ka kwathela uukadhona mboka uushona, opo wu ka kale wu shi okulongitha iipewa yawo no ku tula Namibia pamuthika gwopombanda ngele tashiya pomathigathano gayoolokathana, pondje nomeni lyoshilongo.

“Uukadhona owundji ohawu yaguma nohawu kala wa hala oku ulika iipewa yawo, yo yamwe oyeli yena uunongo ashike kaye shi mpoka yena oku tameka opo ya vule okuya pondondo yo pombanda ngaashi ngame. Ngaashingeyi shoka osha hula, na MK Modeling Academy oye ta ka kala eyamukulo,” Meriam ta ti ngaaka.

Okwa ti osikola ndjika ota yi tameke okuza muFebuluali nuumvo no ta yi ka kala yi na aalongwa ya adha po 40, mpoka ayehe ta ya ka mona omadheulo ga yoolokathana.

Shika osha li sheya momadhiladhilo ge sho a li asindana onga oye okakadhoan dhingi Miss Hope International, ndyoka kwali lya ningilwa moSouth Africa pehulilo lyomvula ya piti. Meriam okwa ti, konima yoku shayina etso kumwe lyomvula yimwe pamwe nehangano ndika, kali ta vulu oku kutha ombinga momathigathano gayoolokathana, nokwali apulwa opo a totepo o poloyeka ye ndjoka ali a hala. “Shotango okwali nda dhiladhila opo ndi gandje ompito kuukadhona mboka wali wa hala okulandula moompadhi dhandje, nondali nda toto po osikola ndjika yoku yadheula opo yakale ya pyokoka nawa,” Meriam ta ti ngaaka.

Okwati konima ashike yok u taamba aadheulwa mpaka ota ka Tameka nale oku dheula po mpoka ta ya ka kalela po oshilongo ko Miss Supper Model International moIndia, pehulilo lyomwedhi taguya.

“Nonando ita ndi kakutha ombinga momathigathano guukadhona dhingi omvula ndjika molwetsokumwe lyetu na Miss Hope, ondu uvite ombili nohole oku ka tuma yamwe po yomaalongwa yandje komahala ga yoolokathana,”

Okwa gwedha po ta ti okwa shaina ishewe etsokumwe nooyene, naalongekidhi yomathigathano ngoka a kutha ombinga mugo ngaashi Miss Hope, Miss Bikini World osho woo Miss Super World nomakwawo ogendji.

Meriam ota ti ishewe aalongwa ye ota ya kakala yamwe po mboka ta ya ka kutha ombinga molweetho olutiyali lwo ku ulika uupendi nuuBikini we, ndoka talu ka ningwa muApilili omvula ndjika, no ta ka hiya nokuli eeModela dhili ntano, okuza kiilongo yopondje.

Omvula ndjino Meriama okwa tengeneka ishewe opo a ka kale ta ende nokutalela po iilongo yiili noyiili, niitopolwa ayihe moNamibia oku humitha ehangano lyokweenda pombanda. Ota indile ishewe epangelo lyaNamibia opo li humithe komeho oshitalenti sha tya ngeyika ngaashi naanaa hali ningi ngele tashiya puudhano.

LEAVE A REPLY

Please enter your comment!
Please enter your name here