Omakondombolo mOluteyi osho giikwata

0
289

OLUTEYI-Osipna yo Oluteyi Legends oyali yeshipondola oku ulukila Osipana yOluteyi Young Stars komutse gwondjamba konima sho ye yi dhengemo nookoola 5-3 medhingoloko lyahugunina lyuudhano wOluteyi Annual Sport day.

Uudhano mboka wali wa totwapo konima ngashiingeyi yomimvo ntano owali wa nana aantu oyendji momikunda dha dhingoloka Oluteyi, mboka yali ye ya okuninga oombangi mesiku ndyoka lyasimana mondjokonona yOluteyi.

Omukwatakanithi guudhano mbuka David Shoopala okwa ti esiku ndika oye li ningila owina opo ya ete aagundjuka pamwe, ya tseyathane yo ya topolelathane oowino dha yooloka.

Okwa ti kakele komaudhano aagundjuka oyali ya tula omilungu kumwe opo ya taalele omashongo ge ya kundukidha ngaashi okwaana iilonga mokati kayo, omakwatathano gopangodhi ngoka ga nkudipala nosho wo opate.

Aanyasha oya li wo ya popithwa komunyasha omukwawo Emma Theofelus gumwe gomaapopi ya tseyika nawa moNamibia ngoka ali  eya kumagidha kombinga yomahepekathano guukashike komuntu nelongitho na yi lyiikolitha oshowo iingangamithi.

Okwa ti aanyasha naya kale aluhe ye na iilalakanenwa iiwanawa mbyoka tayi tungu onakuyiwa yoshilongo nomidhingoloko dhawo.

Emma Theofelus okuli omupopiliko gwopevi gwopaliamende yaanona nomwiilongi gwooveta koUniversiti ya Namibia.

Uunona uushona nawo owali wa pewa ompito opo wu ulike iitalenti yawo ongoshitopolwa shehumitho komeho lyomaudhano.

Uudhano mbuka owa tegelelwa wu ka galukile mondambo natango nuumvo na David okwa ti ota ya ka galuka ya manga shapama.

LEAVE A REPLY

Please enter your comment!
Please enter your name here