Omukiintu a dhipaga mukwao

0
543

ONGWEDIVa – Omukiintu, omunamivo 25, okwa holokele mompangulilo yaMangestrata mOkahao pehulilo lyaDesemba ta tamanekelwa edhipago lyomukiintu omukwao goomvula 30.

Ndapewoshali Kamhulu, ngoka a zile kEndola mOshitopolwa shaHangwena okwa li a holoka komeho gomupanguli mOkahao momasiku 28 Desemba, ta tamanekelwa edhipago lyaSelma Nankuwo, gomomukunda Uukwalumbe moshikandjohogololo shaKahao, moshitopolwa Omusati.

Okwa kundanekwa kutya, Kamhulu okwa tsu Nankuwo nombele montulo uusiku womilongo 26 Desemba, na Nankuwo okwa sile pehala mpoka.

Kuuyelele wa pewa Kundana ku Shisande Anna Kunga ngoka ha popileko Opolisi yaMusati, Kamhulu okwa li a hokololele opolisi kutya okwa li a pulwa opo a longe iilonga yontumba komuntu gwontumba ngoka a li uuvaneke opo emu fute.

Kamhulu okwa li nee a indile Nankuwo opo e mu kwathele ya longe ko, ye a vule emu pepo poshimaliwa ngele a futwa. Ashike omuntu ngoka a gandja otendela kuKamhulu okwa ka kala nee inaafuta pethimbo ngaashi yali ya uvathana.

Nonando Kamhulu anuwa a lombwele Nankuwo kutya ina ya futwa natango, Nankuwo anuwa okwa kala owala nokushonga Kamhulu, ta pula iimaliwa ye.

Mesiku moka Nankuwo a dhipangwa, anuwa okwa yi kegumbo hoka Nankuwo a li a kutwa ongomuniilonga gomomagumbo, ta pula iimaliwa ye. Olugodhi olwa tameke nee pokati kaambaka yaali.

Pethimbo mpoka Kamhulu anuwa okwa li aadhika pelugo ta longo nombele.

“Anuwa [Kamhulu] keshi kutya osheende naanaa ngiini, okwa ka mona owala kutya okwa tsu Nankuwo nombele montulo, kombinga yokolumoho,” Kunga ta ti.

Nankuwo naye okwali woo ha longo megumbo lili mUukwalumbe moka.

LEAVE A REPLY

Please enter your comment!
Please enter your name here