Tuyeni Kolupale: Odula ipe yetu iwa shili

0
471

 

Kafo kape oulelema, odula ei twadja nayo osho ngo yali ipe ngaho, shiwana sha Namibia opo mu li amushe va holimbili nookaume ka Kundana naamushe ava hamu lesha elaka lOshiwambo okupitila moshifo shetu?

Ondi udite modula ipe omwafikamo nawa, nonande tu shishi ngoo nokutya otuna ovakwanedimo vetu vamwe vetu fiya po pefimbo loivilo yomatango manene. Vaholike ava twa fiwa po kovakwanedimo vetu nokovaholike vetweni, omahekeleko naadje kwaau eli pombada mbada.
Ngeno odula ipe yetu na ikale ne iwa yombili, odula ina elao yo oina oilonga tai longwa moshili. Odula ei naikale ina ediminafanepo. Sha hala hano okutya ngeenge owa tuwa meisho ku mukweni, oshili ove inashi pumbwa vali umutwe meyulu. Osheshi oto lande po omatimba aye aeshe aa eku ningila osho inamushidimbwa nande.

Va Namibia, omalundilo a nghina nghenda naa shaale kodula twa dja, noitwa komaxuli moilonga nayo nai ninge youdwaali twadja. Oukolwe wa konghola inatuu hala nande modula omu, okulya oinyenye sha pitilila naai yeeshi yetu. Vaholike dimbulukeni kutya ekuta nalo ohali vele ovanhu medimo.

Shiwana otwa pumbwa okuyeni keengolo ndele hatu alikanene odula ei ikale ina ombili noku kala itatu udu omafyo nomadipaafano oo nokuli efimbo limwe lihapu haa ningilwa ovakainhu kovalumenhu she. Yo ngeno odula ei naikale younona tava kwena meedikwa ndele hako mapoto nokomitututu doundjuo.

Okwa tiwa fimaneka nyokokulu ngeno nyoko na ye ina dalwa, oomeekulu nootatekulu oshili modula omu inatu hala nande oku mona ovakulupe tava tokelwa poukamba nopoundingosho vomalodu, tava longifapo oimaliwa yavo yopendjela na ke mu twaalele. Ovakulupe oha va li ouleke ndele iha va nhu omalodu, hano oshike mwa hala okushuna konima nye koima oko mwadja nale?
Ilo na pamwe oimaliwa oihapu hano ndi lombwele omukulunhu a holeko kashona?
Va Namibia ohandi mwindile neudo inandi hala nande okuuda eehombo tadi teka dafa oikuni yombolo, onda hala okumuvakelako komushangwa wa pitifwa uli mounyuni, vati Namibia okuli ponomola yotete moilongo ya Africa, ngeenge tashiya pokuteya eehombo inaadi menekela, nga shili nga ngo pamwe hatu lundilwa. Omwene tate Kalunga ou eli pombambada oo ha tale eshi tashi ningwa mo Namibia oye te shi kalelepo.
Vaholike modula ipe onda hala ovanailonga aveshe hava longele meembelewa depangelo nomoikondo yopaumwene, opo vawanifepo oilonga yavo ngaashi naana ina okulongwa, ndele haku kala vaholike tamu nyamukula ovayakulwa meembelewa ngaashi twafa tuli mee faalama detu. Natu dimbulukweni kutya eembeelewa odo shiwana fyeni otwa tulwa komesho opo tu vatele oshiwana nokushipukulula nombili.
Vati omalaka amwe haadi momakanya eni ngeenge tamu nyamukula ovayakulwa meembelewa, vati okwafa ngo haa kala madjuu oo haa ningi omitengi didjuu komapepe oshiwana. Kotokeni kotokeni eshi mwa tulwa komesho onye mu mone eshi tashidi kwiinya.

Onda hala yo oku mu dimbulukifa kutya, kotokeni okatongotongo moilonga ilo okudengela odi peisho. Ilo okulya oinyenye yovanailonga pamwe nanye. Tate Kalunga ngeenge okwa udu ngo omaindilo etu, ngeno odula ei ipe ngeno ikale ngo inaa tu yuudila oiponga yomeendjila ihapu nomadipao anghina nghenda oo nokuli efimbo limwe oo aetela eedolongo doshilongo shetu dikale di yadi, ndele itashiti eshi di yadi ovanadolongo na pamwe efimano loshilongo shetu, aayee ndele shapo otashi ti oshilongo shetu osho katokote moukolokoshi.
Ovalumenhu ova Namibia, omushishi tuu nawa nokutya otamu dulu okulidilulula omanga inaamu ya meedolongo? Inamu kala tamu longo oilonga youkolokoshi nokonima ngeenge mwa kwatwa tamu twalwa meedolongo, nye opo tamu kufa Eembibeli deni tamu lombwele ovanhu tamu ti omwa dalululwa, oshili ngeenge omwa hala okudalululwa oku hamu popi, shapo tamekeni nenaa li!!Manga inaa mu longa oilonga youkolokoshi, opo kapena oshili na opena oukiliste wafudikwa ngeenge inandi puka.

Modula ei, onda hala okuukilila poshiwana shokomongula, ounona amushe yambekelweni nye mu kale muna elao netilo Kalunga nokufimaneka ovakulunhu vakwalukeshe kutya nee omutoka ilo omulaula, ndele itandi popi ne omulaulu ou wopofingo nande nande.
ounona voukadona, henukeni okuninga omadimo inashi teelelwa nye tamu li vangeke okutokelwa omaufiku kee bar domalodu. Nye ngeenge ta mu di oko ina mu twaalela ovashamane vovanhu mu ka lye oinyenye yovanhu molwaashi omwakolwa koikolwifa no ka mu  apa mu li. Nye va shamane ndimbulukeni alushe ovakulukadi veni ovo mwa fiya komaumbo.
Nye ovamati, iha mu uduko mu li po ngo tamu mitike noku yandja omapunda koukadona mwafa tamu mitike eenghuti, nye mwa nyengwa okulesha, okudala oko nee mushi nye muhena sha.

Ngaashi ame omutekulu wa Nangombe ya Ndimulunde woshimbudu, ohaikataulilepo oumbulukweya vako ndele hai va twala kwaava veshi okuhondja opo vahondjwepo ominambo dokaana kaye.Ko okalume aka ngo natango ka londakana eumbo lange taka kongo oukadona, oshili ohaikakwata ame mwene nomapokolo ndele takayi kengela takashongola kaka kalele omumwange eshi ta mono okaana.

Ame itai lifwa ndati okayongoti ina kaya omongwa kounona voulume nave shi udeko naaka kwali ka hala keumbo lange na ka ninguluke, ei odula ipe.

JOHN YA TUYENI
MRTUYENI76@GMAILA
CELL PHONE 0812988549

 

LEAVE A REPLY

Please enter your comment!
Please enter your name here