AaNamibia oyi ilongekidhila oKora

0
319

Yamwe yomaahikingalo aaNamibia mboka yali ya mono ompito ombwaanawa okuya moshihogololitho sha hugunina shethigathano lyoKora kaahikingalo dhingi moAfrica, oya nyanyukilwa, no yi ilongekidhila ethigathano ndika. Pinehas Nakaziko ota kundaneke.

 Windhoek-Aahikingalo mbaka oya inekela kutya okumona ompito ya tya ngeyika yo ku kutha ombinga momathigathano ngaka, otashi ka kala onkatu onene kuyo okutaandelitha ongalo dhawo pondje yoshilongo, notashi ka kala ishewe onkatu ombwaanawa oku kwatathana no ku imba pamwe naahikingalo ya yoolokathana okuza kiilongo iikwawo.

Ethigathano ndika lya talikako olyo tali ka kakala enene tali ningwa moshilongo oshikando shotango nolyali lyatseyithwa omvogu otali ka ningilwa po Country Club Resort and Casino momasiku 20 gaMaalitsa.

Konyala aahikingalo aaNamibia yaadha pu ya hetatu oyali ya mono ompito ombwaanawa yo ku kutha ombinga  methigathano ndika, moka mwakwatelwa omuhikingalo dhingi gwomulumentu omuNamibia Gazza.

Gazza okwa holola kutya oku hogololwa methigathano ndika osha ulika ehumokomeho lyoongalo dhe meni nopondje yoshilongo, ndhoka a kala noku ninga nuudhiginini. “Ondi uvite uuntsa nuunambano ngele tashiya methigathano ndika unene tuu sho nda iyadha methigathano ndika pamwe naAKA omuSouth Africa na Petersen omZambia.

Gazza okwa gwedhapo ta ti shito oya kala owala noku uva oonkulungu ndhoka kutya odho kamana kandongo ngele tashiya moku imba, nongashingeyi okuwete yeli pomuthika gumwe sho a iyadha yeli mokategoli kamwe nayo.

Erna Chimu ngoka oye ali omuhikingalo omukiintu dhingi moNamibia mo2014, okwa ti ye oku uvite nawa noonkondo adhihe noku ilongekidha amanamo okuka kutha ombinga methigathano ndika. “Paife ondiwete kutya oshitalenti shandje osha kuthwako muAfrica alihe okuza sho ndali ndahogololwa methigathano ndika. Otandi ki ilonga oshindji  kaahikingalo oyaakwetu mboka yaza kiilongo ya yoolokathana menenevi oshowo mehalakano,” Erna ta ti.

Dj K-Boz ngoka ali apopileko Sally, okwa holola kutya Sally oye gumwe po gwomaahikingalo mboka ha ya imbi oongalo tadhi tungu, nokuya mehogololo ndika oyo onkatu ye yotango oku tula Namibia pamuthika gwopombanda. “Methigathano ndika Sally okwa hala oku kalongela pamwe naahikingalo mboka oyaakwawo,” K-Boz ta ti.

Ethigathano ndika otali kasindanwa oodola dhaAmerica koomuma dhili pokati ko U$ 20 000 sigo U$ 50 000.

 

LEAVE A REPLY

Please enter your comment!
Please enter your name here