Dhengwa wu lungame

0
460

 

EUVATHANO – Omulumentu gwoomvula dhopokati okuna eitaalo kutya aluhe omuntu mona iihuna opo wu ilonge oshilongwa.

Jason Aron a yambukile momukunda Omale mEuvathano okwa li a hokolola onkalamwenyo ye nkene ye enda nonkene a mona iihuna shono she mupe omukumo opo a longe ku yemwene.

Aron omunamimvo 29 okwa hokolola kutya okwa valelwe owala kaakuluntu ye eli nawa, ashike sho a gwanitha oomvula omugoyi lwaampoka okwa ka haluka owala a kwatwa kuulema asa ombinga. Ta ti okwa kala oomvula heyali iteende, itaapopi ye itaa longo sha kuye mwene eli owala momulalo.

Ta ti ye pamwe naakuluntu ye oya kala noku enda mpaka naampeyaka taya kongo omakwatho, sigo a ka haluka ta popi ngaa kashona yo ombinga ye ndjoka tayi tameke tayi inyenge yi uvite ngaa omaiyuvo kashona.

“Konima sho nda tameke tandi ende ngame te popi, no inandi landula we osikola, oshali sha longo ndje oshilongwa opo ndi ilongele owala ngame ndi imonenepo okashona kandje hoka taka kala taka kwathandje monkalamwenyo yandje,” Aron ta ti.

Pethimbo ndino Aron okuna ehala lye mpono ha hondjo noku opaleka oongaku oshowo oku longulula omapaya. Nonande ngaashingeyi eli oshilema okwaako kwe kokolulyo iha ku vulu nande okulonga sha oha longitha owala hoka kokolumoho ota ti shika itashi mu imbi aye komeho ota tsikile owala niilonga ye.

“Ontseyo ndjika ondali ndeyi kutha komuZimbambwe gumwe konima sho nda aluka ngono nda kala he longo naye tu ulikilendje nkene aantu haya longo oongaku, shino osho shali sha thiminikindje opo ndi konge ehala lyandje ngame ndi longe kungame mwene, onda mono kutya mondoolopa yaNdangwa omuna unene ompumbwe yaantu mboka haya longo oongaku sho osho nda ningile okatala kandje pooha dhopate,” Ta gwedhapo ngaaka.

Ta ti okwali a tokola manga omumvo guli petameko a longe nuudhiginini opo ando anuwa sho ta u ka pwako okwa longa sha kola. Aron ta ti ye monkalamwenyo ye ina hala okwiikuthila okwa hala a longe ku yemwene manga ena oonkondo. Ta tsikileko ta pandula Kalunga ke ngoka emu aludha sho a ninga oomvula odhindji iti inyenge ye itaa popi noku longasha.

LEAVE A REPLY

Please enter your comment!
Please enter your name here