Mboka taya kambadhala naya kwatelwe

0
386

 

 

OKATJALI – Joseph Mupetami ngono ta wilike oshikandjohogololo Okatjali okwa indile omahangano gopaumwene oshowo ngoka ga yama kepangelo naanangeshefa ayehe kondandalunde opo ya sile oshimpwiyu noku kwathela mboka taya nyangadhala noku kambadhala ya humithe komeho oonkalamwenyo dhawo.

Mupetami ndhino okwali edhi popi pethimbo ali ta gandja omagano  kaateleki yoomboloto oshowo iikuki moshikandjohogololo she. Konyala aateleki mboka yeli 55 oyali ya pewa uushako wuusila wo12.5kg uyali, omagano gokutelekitha mokandini koolitela omulongo komagadhi oothewa dhokwiiyoga uuna ya mana okuteleka oomboloto dhawo, omafulika oshowo osuuka opo ya ka tsikile nokuteleka iikuki yawo ya landithe yo ya monemo sha.

“Shino ondali ndeshi ningi omolwuupenda nomukumo nda mono maateliki mbaka yoomboloto moshikandjohogololo shandje , oyendji oyi itulamo shili nonda mono kutya osho opala opo ndi yambidhidhe mpoka te vulu yo ya tsikileko ihe,aantu mbano otaya longo nuudhiginini noya pumbwa okuyambulwapo ya vule okuya komeho yo ya tsuwe omukumo woo,” Kansela Mupetami ta ti.

Mupetami ta gwedhako kutya shino okweshi ningi ongolupandu kwaamboka taya kambadhala, ta ti otashi pendula omadhiladhilo goyendji yo ya mone kutya nani shoka  taya longo oshi li mondjila. Ta ti shino nande shili oshikando she shotango ta yambidhidha aateliki yoomboloto okwa uvaneke kutya itashi ka kala oshikando sha hugunina ota kala teya kwathele poompito noompito.

Ta ti kehe tuu ngoka ta kambadhala okwa gwana okusilwa oshimpiyu ye a vule okuhuma komeho. Yamwe yomaateliki yoomboloto mboka yali ya gandja omaiuvo gawo ngaashi Nankelo Nanyemba ngoka  a popi peha lyaayehe okwali yo oyu uvite uugumbo , noya nyanyukilwa kansela gwawo ngoka ta kambadhala eya etele uuwanawa nomayambidhidho gafa mpoka.

Moshikandjohogololo omo tuu moka omanga osikola inaayi tameka uunona wuli 26 mboka wa pita nawa ondondo ontimulongo no wa yi momulongo na yimwe owali wa pewa omagano gookofa mono ya hokolola muna omakumbadha niipumbiwa ayihe yokoskola.

Meme Vistorina Ndjimba gumwe gomaavali wuunona mboka wa pewa ookofa, okwali a holola enyanyu lye. Ta ti okanona ke sho kayi koskola ina landa nande osha tashi zi mondjato ye oshoka kansela gwawo okweya sila nale oshimpwiyu.

LEAVE A REPLY

Please enter your comment!
Please enter your name here