Neville Tjiueza a joina African Stars

0
338

 

Windhoek – Pethimbo edhingoloko etiyali lyuudhano woliha yopombanda ya MTC tau tameke, elunduluko lyaadhani okuza kospana yimwe okuya konkwawo nalyo olya ningwa. Pethimbo ndika gumwe gwomaadhani yomokati mospana yo Tura Magic ota thigipo ospana ndjoka opo a ka joine ndjoka yoAfrican stars.

Monkundana ndjoka ya kala ya tegelelwa omasiku ngaka Tura Magic okwa zimine opo a ethe Neville Tjiueza a ka joine ospana ndjoka a dhanena okuza puunona we yo African Stars.

Opwa kala nale omahokololo inaa ga kolekwa kutya omudhani nguka otashi vulika  a tembuke ko kospana yo Tura Magic okuya kwaandjoka yo African Stars ngaashi wo ndjika ya tseyika nawa Reds. Shika okwa li nookuli a hala okushininga petameko lyomumvo guudhano nguka.

Oonzo popepi noospana ndhika mbali odha ti Tura Magic okwa li a kambadhala ngaashi ta vulu opo kaa kanithe omumati nguka , ndele nee okwa ka thiminikwa konkalo ndjoka ya ningi ombwiinayi molwashoka omudhani nguka okwa li a tameke itaa ihumbata nawa, nopomathimbo gamwe okwe ya komaidheulo a tokelwa. Shika mbaka oya walyaeke kutya okwe shiningile owina opo ospana ye yi vule okumweetha a ye hoka a hala.

“Eeno oshoshili omumati nguka okuna  oshipewa shokuthanga etanga, ihe moomwedhi dha ziko  okwa adhika itaa simaneke we elandulathano, naashika okonyala shi yone onkalo yevuliko mokati kaadhani ooyakwawo.”

“Otwa li twa kambadhala ngaashi ta tu vulu opo tu kaleke omudhani nguka mospana yetu, ihe pehulilo otwa koneke kutya itashi ka kwatha sha, onkene otwa tokola tu mu laleke opo a ka joine ospana ye ndjoka a hala okudhanena” osho onzo ndjoka ya tindi okutumbulwa kedhina ya popi.

Ospana yoReds oya ningi omasiku tayi kambadhala oku kwatako omudhani nguka opo a joine ospana ndjoka naashika sho shaningwa, otashi ka nyanyudha aayambidhidhi yospana ndjika molwaashoka omudhani nguka ngashingeyi okwe ya joina.

“Kapena omudhani ena uunene wu vule wospana  onkene oshali tashi ka kala oshiwinayi ngele andola Tura Magic okwa li inaa laleka omudhani nguka ali ke uvitile we ombili oku dhanena Tura Magic.

“Kakele kwaashoka otwa mono wo kutya omumati nguka oku li popepi noomvula dhoku penzelwa mokudhana etanga lyokoompadhi onkene otwe mu pe ompito opo a ye kospana ndjoka tayi vulu oku mu pa oshimaliwa oshindji. Oshiwana oku mu laleka opo eki ilikolele oshimaliwa oshindji omanga inaa ya mopenzela yuudhano wetanga lyokoompadhi. Okupopya oshili omumati nguka okunako ashike ngiika omimvo  mbali nenge ndatu opo a kale itaa dhana we muudhano mbuka.’

Nonando ngoka etu hokololele ehokololo ndika okwa tindi okuholola kutya Tjiueza  okwa landwa kwiingapi, shoka tu shi ooshika kutya euvathano opo nguka a tembukile koAfrican Stars olili pokushainwa pokati koospana ndhika mbali.

Omudhani nguka gwomokati okwa tegelelwa oku kadhana muudhano  pokati ko Reds noospana dhokomunkulofuta Blue Waters no Eleven Arrows ehuliloshiwike ndika mOmbaye.

LEAVE A REPLY

Please enter your comment!
Please enter your name here