Ohorongo ya yandja omaano kOpuwo

0
314

 

Ehangano lokulonga eesamende lOhorongo Cement, exuliloshivike la dja ko ola yandja omaano oilongifo moundjolowele koshipangelo shepangelo mOpuwo.

Omaano oo a kwatela outemba vaavo vena oulema veli 88, oitenda yokukwafela okweenda ili 11, oitenda yokuleka eedelepa (omakende omeva), noutalashe vokudulila ounana naikwao ihapu, okwali ya nadjwa kehangano lOhorongo Otavi Community Trust.

Oilongifo aishe oina ongushu ifike poN$320 000.

Omaano aa okwa pewa oshipangelo shaPuwo nekwafo no e.V ehangano lili modoolopa yedina Ulm moGermany, olo hali yandje omakwafo opashimaliwa noopalumomhumbwe kuvahapu mounyuni.

Minister wouhaku nonghalonawa Juliet Kavetuna oo a tambula ko omaano ponhele yoshipangelo okwa pandula ehangano lOhorongo Cement, nokwe li twa omukumo opo li twikile nokuyandja omakwafo koshiwana ngaashi tali shi ningi.

Kavetuna okwa kumaida yoo ovaleli vopamifyuululwakalo opo va kale monghalo ya nyika oundjolowele noku yandja oshihopaenenwa kovalelwa vavo.

Okwa kumaida yoo ovanailonga vomoshipangelo mOpuwo, opo va file oshisho nokukwata nawa oilongifo oyo va pewa.

Shaashi oilongifo otai ka longifwa yoo koipangelo nokoupangelona vakwao moskitukulwa shaKunene, Kavetuna okwa pula ovo vena oshinakuwanifwa shokutukula oilongifo youndjolowele oyo opo vei tukulile oipangelo noupangelona meendelelo ngaashi tashi dulika.

Ehangano olo tuu eli olayandjele yoo oumbasikela kopolifi moTsumeb.Lo tali yandje vali oimaliwa yokulihongifa kovalihongo voikwamalusheno tave li hongo mounivesiti youtechnologi ya Namibia moVenduka.

Ohorongo1 Ohorongo2

LEAVE A REPLY

Please enter your comment!
Please enter your name here