Petrina Mathews oye okakadhona dhingi mOluteyi 2015

0
479

 

OLUTEYI-Petrina enzuna ndyoka lya tseyika nawa koyendji ngele ota shiya pomathigathano guukadhona dhingi moshilongo olya li lya thigi oyendji ya lala mboka yali ye ya okuninga oombangi moshituthi shika hashi kala ko omumvo kehe kOluteyi.

Petrina okwa li eya methigathano ndika nondjokonona ombwaanawa oshoka okwa li a sindanapo iishani yokakadhona dhingi iikando oyindji moka mwa kwatelwa Okakadhona dhingi methigathano lya Pelican 2015, Miss Red Cross 2014, Miss Outapi Youth 2014 na Miss Oshakati Youth 2013.

Petrina okwali wo oye omuprincess omutiyali muudhano woMiss Bannies mOngwediva nokwali nduno a patako noshishani sha Miss Oluteyi 2015 methigathano ndyoka lyali lyaningwa pethimbo lyiituthi yaKrismesa pehalandjandja lyoongesefa dhoNaambo Bottle Store mOluteyi Pondunge.

Prodencia Iiyaloo oye ali omuPrincess gwotango omanga Magdalena Haipumbu a li a kuthapo ehala lyuuPrincess uutiyali.

Shagama Anna oye Miss Photogenic, omanga Beata Nuuyoma ali a toolapo eha lya Miss Personality.

Engungo lyaayondodhi yomeho olya li lya nyanyudhwa kaahikingalo ngaashi Fishman, Maestro, Ama daz Floor, Ama Young Kidz, TMT na Quando Boy.

Ethigathano lyokakadhona dhingi mOluteyi olyali lya kwashilipalekwa ko Vambu Spirit, Zone One Printings, Naambo Bottle Store opamwe naakalimo yomOluteyi niitopolwa yopuushiinda.

“Olupandu lwasheya naluye ku  Helena Amalovu, Loine Uukongo, Martha Holongo, na Nuuta Joseph sho yali yalongo nuudhiginini oku eta ethigathano ndika pomuthika “, Ndapewa Uukongo ta ti gumwe gomaakwateli komeho ya Miss Oluteyi.

Beauty-4 beauty-2

LEAVE A REPLY

Please enter your comment!
Please enter your name here