Tuyeni Kolupale: Ou wahepa, oshili mboli hepelela

0
463

 

Elaka la popilwe kovakulu vonale, fiyo omefimbo eli tuli nena, otali wapalele naana monghalo omu tuli.
Monale omunhu opo a pewe oufita weengobe ile oufita woikombo a tule moshiunda shaye a life, okuna okukala ena nale oimuna ya ye mwene moshiunda nonande kaihapu.

Eshi okwa li hashi ningilwa shike mbela? Okwali hashi ningilwa ngaha kutya nakupewa oufita nena ngeenge kena nale oimuna yaye ei eli kongela yeemwene, ovanhu okwa li havatila okumupa oufita woimunha molwaashi ota dulu oku ilyapo, shaashi na ye mwene okwanyengwa okukonga nande okakombo ngo aka kokamushila kaxupi.

Hano eshi otashi ulike naana kutya opo uninge mwene womukunda mefimbo lonale, ouna ngo okukala omuyamba wonhumba nge weengobe ilo holimi oilya ya nyenga eenghuti. Mbela natango eshi okwali hashi ningilwa shike vati?

Osheshi omikunda okwali hadi likolwa kwaava vena oimuna molwaashi ovo hava mono nomhito yokukafuta eengobe edi hadi kala tadi pulwa kouhamba opo u nangale omukunda oo u ninge woye, oshitivali ovanhu momukunda okwali hava tila okulelwa kevaya molwaashi oshanyika oshiponga una ngeenge tali pangele nokuyandja eeveta. Mbela nee omavaya olufo lavo lukunangala omikunda nokuninga ovaleli molwaashi vo kave naashi vena okwali tu hava mono omhito? Mbela oshike oshiwana nasho kwa li hashi nyakukilwa nokuhafela ava tava ningi ovaleli vavo ngeenge nena vo ovayamba?
eheno oshili okwali shili mondjila, molwaashi omuyamba wo nhumba ngeenge okwa ningwa mwene womukunda, ndele vamwe vomomukunda waye tavafi ondjala, ilo eumbo lonhumba la kwatwa koshiponga shomundilo, mwene womukunda ou okwali hadulu okutondoka onghuwo ei noupyakadi ou okwali hauwile komapepe aye.

Nena ngeenge ove kuna oimuna ndele nokapya koye kokulima okefike pokapale ketanga, ngeenge owa ningwa mwene womukunda onghuo ei oto ke itondoka nashike ngeenge naave eshi wadja keumbo tomatuka onghuo owalele ondjala?

Hano mounyuni wonale omuyamba oye ngo kwali hadulu okuninga omuleli molwaashi okunasha nale otadulu nokulela oshiwana.
ove oto ka ningwa omuleli ngaipi ngeenge owa nyengwa nokulima epya loye, oshiwana osho ngo to ka dula sho osho shihapu sho oshidjuu nokukalwa nasho, ovanhu oto ke vapa shike?

Paife natu taleni ne kovaleli vomefimbo lopaife, ovanaimaliwa otava futu oovene vomikunda novanambelewa ava veli komesho opo va kale tave vatale omesho makula una ngeenge tashiya pokutofamo nokuulika kutya olyelye ta ningi omuwiliki ponHele opo.

Oupyakadi wa kula ohaukala nee apa, oonakuningwa ovaleli vonhumba ile vongadi ngeenge vo ovayamba nale, ndele tava mono ne eemhito dokupewa oipundi, ihava ka tala vali oshiwana eshi osho sheva pa omito opo vaye koipundi.

Ponhele va tamekele koshiwana nokutala eemumbwe dasho, ava ohava tamekele oilonga momaumbo avo nokuwapaleka eenhele davo nokunana ovakwanedimo vavo vevatule naana peenhele apa pwadjenga molwaashi ovo veli komesho, ouwahepa hepelela.

Epulo shiwana paife olili ne apa, ovafyoona naava tu he na oimaliwa ile tu eshi ovayamba vonhumba, fyeni ohatu ka ninga ovaleli naini nongeenge twa longa shike opo tu talike omesho makula nashe tu mone yo omhito yokupewa oipatululo youwiliki?

Ookatale konawa naava hava kala komesho otave li popile ngaha, vati ovatekulu voo tumbe ekutu ngeenge otwa ningwa ovaleli nokutulwa komesho, ohatu tameke okunukamo omwenyo komaliko oo twa tulwa puoo ilo nefimbo limwe vati ohatu tameke okuvaka  omaliko oshiwana nashe hatu tutile oku hatu monene eemofi.

Epulo olo ne vali eli ngaha, hano mboli ovanhu velipipo vawa nokuningwa ovaleli, ngeenge ovayamba eshi tava tulwa komesho otava tameke okuliyambapaleka, vo ovafyoona nge nashe twa tulwa komesho nashe ohatu nukifamo vali eemwenyo molwa oku ha shiiva omaliko kwetu okudja konale?
Pwilikineni shiwana, oshili kamu ihole osheshi ohaimutu keemwenyo nokomitima.

Ngaashi ame ou handi popi apa, ndele oshiwana tashi kendambala shi ninge nge omuleli wonhumba ile wongadi, nande onda pewa ngo ndikale hai topolele ovakwashiwana oikulya yoshikukuta momikunda mwinya, nena eshi muna okudimbuluka osheshi kutya oukutu aveshe voshikukuta ohai tutile manga keumbo letu ndele she hatudi ondjala manga, nye manga tamu muka muli momikunda omo.

Nongeenge omwafa tamu pula pula nge unene, ame handi mu lombwele kutya oshikukuta inashi fika natango osheshi ololi yepangelo oya teka, otamu ka pula lyelye ngeenge oshili ame aame handi mu lombwele ou nda pewa ndi mulele.

Ame mwene onda hala ashike okushiyeleka nawa kutya, efimbo limwe inatu pumbwa okungwangwaneka eemwenyo detu noku nukifamo omitima detu ngeenge tu wete ovayamba tava ningwa ovaleli vetu lele, osheshi vamwe ohava yandje ngo nale eeshali moshiwana, nonande efimbo limwe navo kavena oshil.
Vaefeni vaye komesho osheshi oko va kala nale, oshitivali fyeni ava tu he nasha nale ngeenge otwa ningwa ovaleli nokutulwa komesho, ndele hatu ke li haluka twalya po oinima yoshiwana. Ngeenee otwa tulwa meedolongo ohatu ke li futilamo nashike she katunasha nale?

Koneka nawa eshi to lesha,ndele ino kala ashike wa panda eendada eshi dili omutete, osheshi eshi handipopi apa ngeenge inashi ku pamba oshili oshakwatelamo omushiinda shoye, ilo naame ou handipopi sha nyodolange.

Shiwana hano omafano ngaashi oo osho naanaa tashi ulike kutya ito dulu okulelwa noku kwatelwa komesho komunhu oo naye a pumbwa oku yambididwa,molwaashi oshanyika oshiponga ote ke ku fiya mondjila omanga inamu fika muli molweendo shaashi naye okwaloloka okwa pumbwa ekwafo, ashike longeni moshili otamu limi eenghudu nye onye ne nawa mwa tulwa komesho mu tale eshi ta shidi kwii.

Natango onda hala oku mu dimbulukifa kutya, efimbo limwe oshevene hatu ningi ovanhu eembudi, molwaashi ohatu va pe oilonga vaumbate omakutu oufila komitwe nonande omakutu kaeshi avo, nokonima ava ngeenge va twala noku tanaunina omakutu aa komaumbo avo, sheni a tu tameke okupopya kutya edi eengangala dili komesho yoshiwana.

Natu yelekeni utale, moshilongo shetu omu otunamo ovanangeshefa vetu vakulu vakulu.Nande otwa yeleke ngo ngaashi Omundokotola wetu Tatekulu Frans Aupa itatu mu popile mowi, omushamane ou ngeenge owe mu ningi omuwiliki a tukule ne nande oikulya yoshikukuta ngaashi ame kwali haipopi, nena ngeenge oikulya ei apewa kepangelo oyapupo, omushamane ou oto ka hanga vali takufa oikulya mondjato yaye ape oshiwana.

Hano eshi itashi yelekwa naame ou haitutile vali oikulya keumbo letu, eshi osho naanaa tashi ku ulikile mboli kutya haatushe tuli moshiwana ndele ohatu dulu okuninga ovaleli nokuya komesho yasho tushi wilike. Ouleli owa pumbiwa ashike oshili owa pumba, molwaashi omuleli ohakala omuleli keufano, ndele haku longifa eembumbo molwaashi atusheni out shishi kutya oshimaliwa ohashipopi omalaka aashe.

Epulo olo la kwatelamo nelongo, omolwashike una okutuma omunhu mukweni opo a twaalele oimaliwa yoye kOwambo, ngeenge mboli nomokabesha omu a londa owauda naana kutya okwafutilwa olefa? paife ndishi ngeenge oimaliwa oyo okweilipo owa hala okutya ombudi?
Omolwashike oimaliwa oyo inoipa nande omushingi wokabesha ou uwete talongo noimaliwa? hano efimbo limwe onye hamuyandje omikundu kovanhu nye mu va ninge eembudi molwashii otamu va twike omikudu itaa ve di dulu.

Ovanhu ava venasha ovawa, ndele oshili peemhito dimwe ovalulila wani, otadulu okukudenga nenghava ndele kopolifi oye ta fikiko tete ilo efimbo limwe a dengeleko ongodi molwaashi okwa shivika nawa, ndele ove to uya vali umamgwepo, ove oove wa dengwa, ovapolosi eshi tavadi oko ongaashi naanae eembidi tadi taataya oikombo.

Oshili vo itava dulu okukupwilikina ove eshi wa hala okupopya, molwaashi ove omunhu wakauwalala, ndishi ondemulombwela ngo kutya oimaliwa ohaipopi omalaka aaeshe, yo ihai  finana yo ihaitila oumbada.

Natango otakutiwa, ovamonisha otadulu okuvakapo oinima yoye, ndele talopota meendelelo opo uuye umangwepo ove owaya kodolongo ove owa dengwa nawa nawa,ngeenge owapula ovapolisi ekwafo ohavakala ve ku tilyanekela omesho, nefimbo limwe ohava kala va hala veudindemo nokuli molwaashi ovalombwelwa nawa.

Ou wahepa osho ashike una oku kalangaho, inda ne uka konge oilonga utale, ouna okufuta manga nokupulwa oimaliwa opo ukutwe moilonga, kushi ne kutya oimaliwa oto ihange peni ove oto kongo nee nawa oilonga?

Uhu ayee vakwetu! ovayamba vanyengwa uli nande omefundula lonhumba ndele ove ouli koshiunda to yuvu eengobe, eshi ngo tokauda, otakuti meumbo oikulya oya pwamo nombelela vati omwashaala ashike omitwe deengobe, nye inamu lya ava mwali koshiunda, eshi tashikupe okandwi ashike keelandekulusa dauka kwinya ovanhu valya vaya nale.

Pita nee ongula toyi koshipangelo ukamone nande ondokotola utale, omunhu tolipula ngo toti aayee aame ngo wotete molwashi aame nda fikamo tete, omukengeli apa ngo tanhuka oto hale okutya pamwe okwadja nande omeembuli doshipangelo, ye okuli komesho, ye nale oye wotete, shima nee wa hetekele okupula ovapangi elandulafano kutya olili ngaipi, aayee utya ve ku tilyanekele omesho vafa vali okaana kamudesha.

Ava twahepa otuna okukala twahepelela na fiyo exulilo letu molwaashi osho twapewa kOmwene tukale ngaho, nye tamu dimbuluka ne kutya eulu loye ka li na fiku likakale lili kekofi keshe fiku okomesho noinima tainyika nawa olo ngo hali yuudu tete.

Omadiladilo moshinyolwa eshi oo mushangi yee mwene no kaashi a Kundana.

JOHN YA TUYENI
MRTUYENI76@GMAILA
CELL 0812988549

 

LEAVE A REPLY

Please enter your comment!
Please enter your name here