Woo onghonga mOmusati!

0
335

 

OUTAPI –Nomomudo 2016, oikoya yekwatonghonga moshitukulwa shaMusati, onghee tai pula komesho. Ouyelele ou owa yandjwa komunambelewa omupopiliko wopolifi moshitukulwa shaMusati, Shisante Anna Kunga meenghundafana noshifo eshi.

Shisande Kunga ta hokolola kutya, manga tu li petameko lomudo, moshitukulwa omwa lopotwa nale oiningwanima yekwatonghonga itatu, ya ningwa momafiku a yooloka momikunda da yooloka.

Ta yandje oshihopaenenwa shoshiningwanima shomEtine ladyako potundi 19H00 pEendombe moshikandjohoololo Ogongo moshitukulwa shaMusati. Omukainhu womuyambididdwa weedula 24 a kwatwa onghonga komufekelwa womomukunda, taku fekelwa kutya okwa shingila owina oikombo mepya e mu monene omhito iwa.

Omukainhu okwa li a ka shingamo oikombo oyo mepya okafimbo oko nokuninga oshihakanwa mekwatonghonga. Nande ine shi holola diva okamwaina kanini oko ke shi mona oka hokolola eshi ka mona sha etifa opo ovaneumbo vaka lopote kopolifi yaGongo. Omufekelwa moshinima ota dulu ashike oku landulwa konima ngeenge omangu ye shi koleke.

Oshiningwanima shikwao sholudi eli osha ningwa Metitatu oshivike shadjako potundi 20H00  eshi  omufekelwa wopOshikwiyu omukunda u li moshikandjohoololo shaTamanzi, va dja poukamba nomukainhu weedula 20 ndee te mu kwatele onghonga pondjila. Omufekelwa ou e shiivike okwa faduka po nopolifi otai mu kongo.

Odula 2015 eenghundana doikoya yomakwatonghonga oda udika dihapu moshitukulwa shaMusati eshi opolifi ya lopotelwa oikoya yoludi eli 46 momudo aushe, muDeseba auke 2015, ovakainhu vahamano moshitukulwa shaMusati ova kwatwa onghonga.

Shisande Kunga ta wedapo kutya oshiningwanima shotete shekwatonghonga moshitukulwa neudo, oshomulumenhu weedula 39 ina hombola womOnkunga moshikandjooholo sha Outapi a kwatwa onghonga omonakadona weedula 19 monduda ya ye pehovelo lohani ei.

Opolifi otai kunghilile oshiwana shi kale sha kotokela ovalongi vowii nande kashi pu oku va dimbuluka mokati kovakwashiwana vakwao.

LEAVE A REPLY

Please enter your comment!
Please enter your name here