Aakalongo otaya kongo Om’kulukadi Dingi

0
347

 

Omalongekidho oge li metifa okulongekidha oshiithanene shethigathano lyOm’kulukadi Dingi mOkalongo nuumvo.Shika oshatalikako tashi ka kala osho kaakunawe moNooli yoshilongo omumvo ngu.Pinehas Nakaziko ota kundaneke.

Oshituthi shoka kwa tengenekwa shika kale shina omainyayudho ga kwata miiti otashi ka mona aakulukadhi mboka yeli pokati kepipi lyoomvula 45 sigo 70, ta ya kaya methigathano opo ya ka kondjele oshikoloni shOm’kulukadi Dingi, shoka tashi ka ningilwa moshitopolwa shaMusati, pehulilo lyomvula ndjika.

Oshituthi shika osha tseyithwa komuhikingalo gwoongalo dho Afro-pop gwedhina Ndawana, nelalakano opo oomeme ya ulike uunongo wa wo tashi pititle miinyangadhalwa yomainyanyudho gatya ngeyika.

Ndawana ota ti oshituthi shika oshanuninwa okuyambula po omainyanyudho mOkalongo, okutaandelitha omithigululwakalo oshilongo ashihe, nokulonga aagundjuka kombinga yomithigululwakalo. “Shika oku ulika kutya olye ishewe omukulukadhi dhingi ngoka eli moNooli nota vulu okutaandelitha omithigululwakalo dhaAwambo,” Ndawana ta ti.

Ndawana okwa gwedha po ta ti oshituthi shika otashi ka kala sha dhenga mbanda oshoka otashi ka ulikwa kooradio dhomuzizimbe ngaashi o Soul Talk, NBC, noooradio dhOshiwambo ngaashi oEnergy 100 FM, Omulunga noNBC Oshiwambo.

Esiku lyoshituthi kehe omukuthi mbinga okwa tegelelwa aka ninge iiningomwa ye noonyala dhe, oku ulika shoka ena nenge a ninga yemwene kengathithi lyaantu mboka ta ya ka kalako, nokulanditha iinima mbyoka yomuthigululwakalo kondando yili pevi.

Aakuthi mbinga ota ya ka tegelelwa ishewe opo ya ka kale yeli momizalo dhawo ndhoka dhondhelela, nokudhana iiyimbo yOshiwambo.

Ndawana okwa ti oya longekidha woo omudaaniso ngoka kwa tegelelwa gu kandaanisiwe ku kehe gumwe gwedhina ta kakutha ombinga, uudhano mbuka ohau ithanwa Okandeshimwene, ngoka ogo tagu ka sindanitha aakuthimbinga methigathano ndika.

LEAVE A REPLY

Please enter your comment!
Please enter your name here