Amathekie a galuka nesindano……Tigers a hunutha oku kangela yakwawo

0
289

 

OSHAKATI-Osipana yo Young Chiefs ndjoka ya li ya mana edhingoloko lyotango lya MTC Namibia Premier League niizemo yankundipala oya tameke nuupenda sho yi ilikolele iitsa ine mehuuliloshiwike lyaziko moshilandopangelo.

Young Chiefs okwa dhana shithike pamwe nosipana yo Tura Magic Olyomakaya gaziko 0-0 nokwali a dhenge aanasikola yo Unam 2-1 moSoondaha noku yambukamo niitsa yili ine oshinima shoka shali sha pumba ku Amathekie momukokomoko gwedhingoloko lyotango okumona iitsa yithike mpoka pondje yegumbo.

Osipana yo Tigers ndjoka yili natango ina yi dhengwa moliha ndjika oya li ya ningi ondjila ya yo ondhigu konima sho yali ya ndopa oku sindanapo uudhano wawo auhe wehuuliloshiwike , konima sho ya hakele mendangalati ekulu lyoPremier  League LHU Blue Waters komunkulofuta sho yi ithigi othika onola monola moSoondaha yaziko, Tigers okwali eshi pondola oku dhenga osipana yo Eleven Arrows 2-0 noku yambukamo niitsa ine .

Black Africa okwa li a shonopeke elala pokati ke na Tigers niitsa ine konima sho yali ya sindana po uudhano wawo auhe mehuliloshiwike.

Young Chiefs okwa pumbwa a tsikile ngeyi nomukumo opo aakalimo yomiitopolwa yokiimpungu ya tsikile noku mona omaudhano goliha yopombanda moshitopolwa.

Oliha ndjika oyi nako omaudhano geli 12 opo yi thike  pehulilo.

LEAVE A REPLY

Please enter your comment!
Please enter your name here