Kansela Whiteman otaka papata uudhano nopolitika

0
236

 

ONDANGWA-Gumwe gwomookansela aape melelo lyondoolopa yaNdangwa John ‘Whiteman’ Martin a tseyika nawa koyendji okupitila momaudhano okwa lombwele Kundana ita ka etha po omaudhano nando okuna oshinakugwanithwa mewiliko lyopapolitika.

“Kandi wete pena uudhigu washa iinima mbika iyali ayihe oya guma aakwashigwana onkene kapena shoka te vulu okulya oshipungo”, Martin ta ti.

Okwa ti ye oku hole omaudhano oshoka ohaga kwathele oku tunga olutu lwomuntu ndje paundjolowele.

“Omaudhano ogeli oshinima oshiwaanawa oshoka ohaga keelele iinima oyindji mbyoka tayi vulu oku yonagulapo olutu lwomuntu ngaashi elongitho nayi lya pitilila lyomalovu,iingangamithi nosho tuu”, Whiteman ta tsikile.

Okwa ti ye nookansela ooyakwawo oyeli nale ya tula omaudhano miilalakanenwa yopetameko mbyoka yena oku takela omunwe oshoka Ondangwa oyo ondoolopa yimwe kaa yi na nando okapale komaudhano niikwathithi yomaudhano yili pamuthika omwaanawa.

Okwa ti oye li nale yena edhilaadhilo oku totapo okangundumutima hoka ta ka kwatela komeho ehumitho komeho lyomaudhano mondoolopa yaNdangwa.

Ta tsikileko ta ti Ondangwa oyo yimwe yomoodoolopa dhina uunona womomapandaanda owundji naashika ota shi vulu oku keelelwa ngele uunona mbuka owa kongelwa ehala mpoka tau kala hau dhanene oshoka olwindji omahala gokudhanena ka ge mo mOndangwa nomoondoolopa dhilwe koNooli.

Okwa ti ota ka gandja wo omayele opo elelo lyondoolopa yaNdangwa li kale ha li unganeke esiku lyomaudhano lyuunona womondoolopa ongo oshitopolwa sho ku pendulapo omaudhano modoolopa.

John Martin okwa longa momaudhano koNooli ethimbo ele noye shili thimba yinongodhi oshoka kena katongo ngele otashiya pamaudhano oshoka ohamonika puudhano auhe kutya etanga lyokoompadhi,oateletika , volleyball nosho tuu, noyendji mboka yemu shi oya li yalimbililwa sho yu uvu kutya okwa ya mopolotika. Shika osha li sheya etele uumbanda kutya pamwe ota ka thigapo omaudhano ashike Whiteman okwa ti ye ite ke shi ninga nando.

LEAVE A REPLY

Please enter your comment!
Please enter your name here