Oospana kevi lyiimpungu otadhi nana nondatu moFirst Division

0
230

 

ONGWEDIVA –Ondjodhi yokumona osipana ontiyali ta yi landula moompadhi dhoYoung Chiefs okuya koliha yopombanda ya MTC oku za koNooli ka yi li nawa.

Onkalo ndjika oya holoka konima sho oosipana ndhoka dha kalelapo evi lyiimpungu dha kala tadhi longo nuunkundi medhingoloko lyotango lyoliha ndjika.

Onambula United, Ongwediva City, Young Stars na KK Palace oye li mokati komusholondondo gwoosipana ndhoka tadhi ningi sha namutango kesindano okuya koliha yopombanda moshilongo.

Oosipana ndhika odha tegelelwa dhi ka kuthe ko oongaku sho oliha ndjika ta yi ka galukila mondambo ishewe ehuuliloshiwike ndika.

Molyomakaya Young Stars ota ka talelapo Black Africa Warriors, omanga Golden Bigs te ki ikwata nOnambula United  mOutjo,Golden Bees na Tropical Heat  Uukwangula, Ongwediva City otayi ya oku talelwapo ko Eleven Warriors ,Touch & Go ota ka dhana no African Lions mOtavi omanga KK Palace oteya oku talelwapo ko Life Fighters pUukwangula.

Mosoodaha Ongwediva City ota yi kiikwata no Tropical Heat Uukwangula,Golden Bigs, Eleven Warriors, KK Palce African Lions Uukwangula, Touch & Go na Life Fighters Otavi omanga Golden Bees na Young Stars taya kiikwata mOutjo, African Warriors no Onambula nayo ota ya kiikwata kOutjo.

Ngele oosipana dhokoNooli odha longo nuudhiginini ehuliloshiwike ndika nena otashi vulika dhi ki iyadhe dhili komutse gwoshitaafula sholiha oshoka opuna ashike eyooloko lyiitsa yanathangwa pokati koosipana ndhoka dhili pombanda.

LEAVE A REPLY

Please enter your comment!
Please enter your name here