Uudhano woombasikela pOmuthiya

0
333

 

Windhoek – RMB Namibia, okupitila mehangano lyoFNB Foundation, okwa li a kwashilipaleke uudhano woombasikela waakayili yuufalata yopetameko nooN$104 000.

Uudhano waakayili yopetameko nenge Early-Rider Development BMX wehangano lyoombasikela lya Namibia nenge Namibian Cycling Federation (NCF) owa li wa ningilwa pOmuthiya moshitopolwa Oshikoto sho oshipambu shiimaliwa mbika sha li sha longithwa oku  wu kwashilipaleka mehuliloshiwike lyomasiku omulongo15 gomwedhi nguka.

Aakayili yoombaasikela aanona yeli kumwe 48 oya li ya kuthombinga ihe aakayili ashike yeli yane yomwaambaka oyo ya li ta ya vulu okulonda ombasikela neinekelomwene.

Ray Auala, Omunashipundi gwoRMB okwa ti  “Mo RMB otwi itaala kutya ongeshefa ombwaanawa oha yi hololapo onkalo ombwaana wa muuyuni nenge uuyuni uuhwepo. Omanga ongeshefa yi li oshitopolwa shasimana shoshigwana, oshikwawo oshi li oshinakugwanithwa shetu  okukala nohokwe yesindano lyoshigwana.”

Okwa gwedhapo a ti oshigwana otashi humu komeho nawa ashike uuna iinima ayihe ta yi endele pamwe momuhingo omwaanawa.Shika osha kwatelamo iinyangadhalwa pashimaliwa,paundjolowele, paliko oshowo eiyuvo lyakwaalukehe lyonkalonawa.

“Oshiwanawa ngiini okutyapula esiku, unene tuu sho aagundjuka mbaka taya ilongo ontseyo ompe ngaashi ndjoka yoku kayila ombasikela.Otu uvite kutya oshinima shika inashi kala ashike ta shi ningwa kwaamboka aanelago aashona  ihe shi adhe wo omuNamibia kehe.”

Auala okwa ulike enyanyu lye omolwesindano  lyoshinyangadhalwa shoka ehulilo shiwike ndyoka. “Oombasikela ndhoka dha li dha longithwa esiku ndyoka odha li dha pewapo osikola Epundi Combined School mpoka tadhi kala noku longithwa okudheula aanona oku kayila oombasikela mokutungila komukanka ngoka gwa tulilwelpo ehulilo shiwike ndyoka.

“Oopolohalama dhokulandula otadhi ka ningwa kokommittee yaNCF na RMB Namibia okusoshimpwiyu kutya ndhika odha tsikila. Out na etegameno  oku kala pomasiku genyanyu ngaashi ndika mpoka aanona taya ulike ontseyo, ya nkene taya kayile oombasikela.”

 

LEAVE A REPLY

Please enter your comment!
Please enter your name here